|
کبھی کبھی قسمت ایسے بھی جاگتی ہے کہ انسان کو خود بھی
اپنی اس خوش قسمتی پر آسانی سے یقین نہیں آتا اور وہ گومگوں کی کیفیت کا
شکار ہوجاتا ہے-
ایسا ہی ایک امریکی نوجوان کے ساتھ اس وقت ہوا جب اس نے صرف نوے ڈالر میں
ایک کباڑیے سے ایک پینٹنگ خریدی اور بعد میں اس کی اصل قیمت 70 لاکھ ڈالر
نکلی-
|
|
|
|
یہ پینٹنگ امریکی شہر ہوسٹن کے میں ہائش پذیر رے ریلے نے ایک کباڑیے کی
دکان سے خریدی تھی تاہم گھر آ کر جب پینٹنگ کو فریم سے نکالا گیا تھا تو اس
پر ’P-o-l-k-e‘لکھا ہوا تھا-
درحقیقت یہ پینٹنگ مشہور جرمن آرٹسٹ سیگمار پولکی کی ایک انتہائی نایاب
پینٹنگ ہے-
ریلے نے اس پینٹنگ کے اصل ہونے کی باقاعدہ ایک مستند ذرائع سے تصدیق کروائی
اور انہیں یہ جان کر شدید حیرت ہوئی کہ مذکورہ پینٹنگ کی مالیت 70لاکھ ڈالر
ہے-
ابتدا میں ریلے نے اس پینٹنگ کو دنیا سے چھپائے رکھا تاہم اب اسے میڈیا کے
سامنے پیش کردیا گیا ہے-
|