اسلامی فنِ تعمیر سے متاثرہ دنیا کی شاندار عمارات

اسلامی فن تعمیر اپنے خوبصورت دروازوں٬ شاندار میناروں٬ دلچسپ ڈیزائن اور متاثر کن خطاطی کی وجہ سے دنیا بھر مشہور ہے اور ایک منفرد مقام رکھتی ہے- لوگوں کی ایک بڑی اکثریت کا خیال ہے کہ اسلامی فنِ تعمیر کے نمونے صرف مساجد کی تزئین و آرائش وغیرہ میں ہی پائے جاتے ہیں لیکن دنیا کے مختلف ممالک میں کئی ایسی عمارات موجود ہیں جن کے ڈیزائن میں اسلامی فنِ تعمیر کی جھلک دیکھی جاسکتی ہے-

ملائیشیا میں واقع یہ دو ٹاور دو عظیم الشان میناروں سے مشابہت رکھتے ہیں- Petronas نامی ان ٹاورز کا بیرونی ڈیزائن اسٹیل اور شیشے کی مدد سے تیار کردہ ہے جو کہ مختلف اسلامی پیٹرن سے مشابہت رکھتا ہے-

امان نامی اس پیلس کی تعمیر کا آغاز 8ویں صدی میں کیا گیا لیکن یہ کبھی بھی مکمل نہیں ہوسکا- اس محل کا پیچیدہ ڈیزائن اسلامی فن تعمیر کی ایک علامت ہے- محل کی یہ دیوار 1840 میں ایک کھدائی کے دوران دریافت کی گئی جسے 1932 میں دوبارہ بحال کر کے Pergamon نامی میوزیم میں رکھ دیا گیا-

یہ قدیم عمارت اردن میں واقع ہے جسے Qasr Amra کے نام سے جانا جاتا ہے- یہ عمارت 723 سے 743کے درمیان تعمیر کی گئی- زیرِ نظر تصویر میں موجود اصل محل کی بنیادیں دیکھی جاسکتی ہیں- محل کی چھپ گنبد نما تھی جبکہ اس میں محراب بھی موجود تھے- اور یہ سب اسلامی فنِ تعمیر سے متاثر ہوکر تعمیر کیا گیا-

یہ اسپین کے علاقے غرناطہ میں واقع ایک پیلس ہے جسے Alhambra کے نام سے جانا جاتا ہے- اس پیلس کی تعمیر 1338 میں کی گئی اور اس کے ڈیزائن میں موجود مینار اور محراب بھی اسلامی فنِ تعمیر سے متاثر ہو کر کی جانے والی تعمیرات کے ایک سلسلے ہی کی کڑی ہیں-

سیبلج فاؤنٹین نامی یہ پرکشش عمارت بوسنیا کے علاقے Sarajevo میں واقع ہے- درحقیقت یہ اسٹرکچر لکڑی سے تیار کردہ ہے اور اس کے گنبد اور دیگر ڈیزائن میں اسلامی فن تعمیرات کی جھلک نمایاں ہے-

Alhambra نامی یہ اپارٹمنٹس امریکی ریاست کیلیفورنیا میں واقع ہیں- عمارت کے ڈیزائن میں موجود کھڑکیاں٬ محراب اور بالکونی کی تعمیر میں اسلامی فنِ تعمیرات کا اثر دیکھا جاسکتا ہے-

اسپین میں واقع اس مسجد کو Cathedral of Córdoba کے نام سے جانا جاتا ہے- اس مسجد کا اندرونی ڈیزائن جس میں دیواریں اور چھت بھی شامل ہیں دیکھنے سے تعلق رکھتا ہے- اور مسجد کا پرکشش ڈیزائن اسلامی فنِ تعمیرات کا ایک اعلیٰ نمونہ ہے-

مراکش میں واقع اس دروازے کو نیلے دروازے کے نام سے جانا جاتا ہے- اس شاندار درازے کے ڈیزائن میں اسلامی فنِ تعمیرات کا اثر و رسوخ بخوبی دیکھا جاسکتا ہے-

میرین کاؤنٹی سوک سینٹر نامی یہ عمارت بھی امریکہ کی ریاست کیلیفورنیا میں واقع ہے- اس عمارت کو Frank Lloyd نے ڈیزائن کیا ہے- اس عمارت کے گنبد اور مینار سمیت تمام ڈیزائن میں اسلامی فن تعمیرات کی جھلک انتہائی نمایاں انداز میں دیکھی جاسکتی ہے-

< Previous کم جگہ پر تعمیر کردہ دلچسپ عمارات NEXT > امریکی شہری کی قسمت اچانک جاگ اٹھی