|
اگرچہ تھری ڈی پرنٹڈ گھر کوئی نئی چیز نہیں ہے لیکن اس
صنعت میں آنے والی تیزی نے سب کو حیران کر دیا ہے- حال ہی میں ایک چینی
تعمیراتی کمپنی نے مکمل سہولیات سے آراستہ تھری ڈی گھر صرف 3 گھنٹے کے
مختصر عرصے میں تیار کر کے ایک نیا کارنامہ سرانجام دیا ہے-
|
|
|
|
وسطی چین کے Zhuoda Group نے یہ دو منزلہ گھر پہلے سے تیار شدہ اجزا سے
تعمیر کیے- اور یہ اجزا بھی اسی کمپنی میں تیار کیے گئے تھے جس کے بعد
کمپنی نے کرین کی مدد سے تیار شدہ گھر کو اس کے متعلقہ مقام پر رکھ دیا-
اس گھر کی تیاری میں صرف 564 امریکی ڈالر کی لاگت آئی جو کہ اس صنعت میں
تیار کیے جانے والے گھروں کی قیمت مقابلے میں سب سے سستا ترین گھر ہے-
|
|
|
یہ گھر زلزلے کے جھٹکوں سے محفوظ رہنے کے علاوہ آگ اور پانی سے پہنچنے والے
نقصانات سے بھی محفوظ رہنے کی صلاحیت رکھتے ہیں-
کمپنی کے مطابق ان گھروں میں استعمال میں ہونے والا 90 فیصد میٹریل فیکٹری
میں ہی تیار کیا گیا ہے جیسے کہ دوسری اشیا تیار کی جاتی ہیں- گھر میں
موجود تمام تر سامان چاہے وہ کچن کا ہو٬ الیکٹرک کا ہو یا پھر ڈیکوریشن کا
تھری ڈی پرنٹر کی مدد سے تیار کیا گیا ہے-
|
|
|
گھر کی پہلی منزل پر پہلے لیونگ روم پھر بیڈروم٬ کچن اور باتھ روم کو آپس
میں جوڑا گیا- اس کے بعد دوسری منزل پر ٹیرس٬ باتھ روم اور یوٹیلٹی رومز کو
آپس میں منسلک کیا گیا- یہ تمام 3 گھنٹے سے بھی کم وقت میں مکمل کر لیا گیا-
کمپنی کا کہنا ہے کہ “ وہ کوشش کر رہے ہیں کہ ان کی اس ٹیکنالوجی کو پیٹنٹ
کر لیا جائے تاکہ اس پروجیکٹ کو وسیع پیمانے پر پھیلا جاسکے“-
|