سوئیڈن کے جنگلات میں اڑن طشتری

اڑن طشتری کا وجود دنیا کے لیے ہمیشہ سے ہی ایک پراسرار شے رہا ہے اور آج تک اس کی حقیقت سے کوئی بھی واقف نہیں ہوسکا اور صرف نظریات ہی نظریات ہیں- لیکن اب سوئیڈن کے جنگلات میں ایک ایسا ہوٹل تعمیر کیا گیا ہے جو سیاحوں کو اڑن طشتری جیسا ماحول مہیا کرتا ہے-

ٹری ہاؤس کوئی نئی چیز نہیں ہے لیکن اسی طرز پر تعمیر کیا جانے والا ٹری ہوٹل جو دیکھنے میں کسی اڑن طشتری کی مانند معلوم ہوتا ہے یقیناً دنیا کو اپنی جانب متوجہ کرنے کی صلاحیت رکھتا ہے-

یہ ٹری ہوٹل سوئیڈن کے جنگلات میں تعمیر کیا گیا ہے جو جو اپنے اندر رہائش اختیار کرنے والے سیاحوں کو ایک منفرد تجربے سے ہمکنار کرتا ہے-

یہ ہوٹل مکمل طور پر ایلین دھات سے تیار کردہ ہے اور زمین سے 6 میٹر کی بلندی پر درختوں کی بلندی کے درمیان قائم کیا گیا ہے-

ہوٹل سے منسلک ایک سیڑھی پر پڑنے والی اسپاٹ لائٹ سیاحوں کی رہنمائی کرتی ہے جو یہ سیڑھیاں چڑھتے ہوئے سیدھا ہوٹل کے کمرے میں جا پہنچتے ہیں-

ہوٹل کی اندرونی تزئین و آرائش بھی کسی خلائی جہاز کی مانند کی گئی ہے جبکہ ہوٹل میں موجود چادروں اور تکیوں پر پرنٹ کیے جانے والے ڈیزائن بھی خلا کے مناظر پیش کرتے ہیں جس میں تاروں بھرا آسمان اور کہکشاں شامل ہے-

< Previous اسلامی فنِ تعمیر سے متاثرہ شاندار عمارات NEXT > وہ عمارتیں جنہیں شیشے نے منفرد بنایا