سیکولر بھارت کو دھچکا٬ 100 دلت خاندانوں کا قبولِ اسلام

اسلام دنیا بھر میں تیزی سے پھیلنا والا مذہب ہے اور اس کی ایک روشن مثال گزشتہ روز اس وقت بڑے پیمانے پر دیکھنے میں آئی جب بھارت کے ایک گاؤں میں 1 یا 2 نہیں بلکہ 100 خاندانوں نے مذہب اسلام قبول کیا-

اسلام قبولِ کرنے والے ان 100 خاندانوں کا تعلق ہندوستان کے علاقے ہسار کے بگانا گاؤں سے اور یہ دلت ذات سے تعلق رکھتے ہیں-
 

یہ خاندان گزشتہ 2 سالوں سے ہندوستان کے دارالحکومت نئی دہلی میں اعلیٰ ذات کے ہندوؤں کے خلاف سراپا احتجاج تھے جس کی وجہ اعلیٰ ذات کے ہندوؤں کی بڑھتی انصافیاں ہیں- اور انہی ناانصافیوں نے ان 100خاندانوں کو یہ قدم اٹھانے پر آمادہ کیا-

اسلام قبول کرنے والے خاندانوں کا ماننا ہے کہ اسلام ہی وہ مذہب ہے جس میں اعلیٰ اور ادنیٰ کے فرق کا انحصار صرف اس کے اعمال پر ہے-

دلت تنظیم کے کنونیئر جنگدیش کاجلا کے مطابق “ وہ گزشتہ 2 سال سے اپنے حقوق کے لیے سراپا احتجاج ہیں لیکن کوئی بھی سننے والا نہیں ہے- اسی لیے ہندو مذہب ترک کرنے کا فیصلہ کیا گیا کیونکہ ہم انتظار کرتے کرتے اب تھک چکے ہیں“-

“ حکام اور پولیس سب ایک ہیں اور ہمیں صرف وعدوں پر ٹال دیا جاتا ہے اور اس سے زیادہ کچھ نہیں کیا جاتا- پھر ایسی کمیونٹی سے منسلک رہنے کی کوئی وجہ نہیں بنتی جو مصیبت میں ہماری مدد ہی نہ کرے“-

دلت خاندانوں کے مطابق سال 2012 میں ہمارے زیرِ استعمال زمین پر جاٹ برادری کے سربراہ کی جانب سے زمین کی ملکیت کا دعویٰ کیا گیا- جس کے بعد دلت خاندانوں نے مئی میں ڈسٹرکٹ مجسٹریٹ کے دفتر کے باہر احتجاجی مظاہرہ کیا- جس کے نتیجے میں اونچی ذات کے خاندانوں نے پنجائیت کے ذریعے دلت خاندانوں کا سماجی و معاشرتی بائیکاٹ کردیا-