خزانے کی تلاش میں سرکردہ چند افراد نے سینکڑوں سال پرانے
سونے کے ہسپانوی سکے دریافت کیے ہیں- ان سکوں کے بارے میں ان افراد کا کہنا
ہے کہ ان کی مالیت ساڑھے چالیس لاکھ ڈالر ہے جبکہ ان کا تعلق 18ویں صدی سے
ہے-
|
|
سونے کے یہ سکے امریکی ریاست فلوریڈا کی ساحلی ریت کے نیچے سے دریافت کیے
گئے ہیں اور ان سکوں کی تعداد 350 ہے-
ان سکوں کے بارے میں دعویٰ کیا جارہا ہے کہ یہ سکے ان جہازوں میں موجود تھے
جو کیوبا سے سپین کی جانب سفر کے دوران ڈوب گئے تھے- ان جہازوں کے ڈوبنے کی
وجہ سمندری طوفان تھا-
سونے کے سکے گزشتہ ماہ جولائی کے اختتام پر ایک میٹر پانی کی تہہ موجود ریت
سے دریافت کیے گئے تھے-
تباہ شدہ جہازوں کے جملہ حقوق کے مالک برینٹ برسبن کے مطابق “ ان 350 سونے
کے سکوں میں 9 نایاب سکے بھی شامل ہیں- یہ سکے اسپین کے بادشاہ کے لیے تیار
کیے گئے تھے“-
|
|
امریکہ کے ریاستی قوانین کے تحت فلوریڈا کو اس دریافت کا 20 فیصد حصہ اپنے
پاس رکھنے کا حق حاصل ہے- |