June Ki Garmiaan Uss Par
Loadshading Socha Chlo Ek Safar Hee Sahi Sath Main Naveed Gold Leafia Sohail Urf
Lahori Mohtram Kaleem Sahib Ko Sath Lia Train Ki Economy Class Mein Rawalpindi
Tak Ka Jaan Laiwaa Safar Kia Ju Kay English Wala Suffer Ban Gia Bas Nangha
Parbat Kay Daman Mein Parion Ka Baseara Dekhnay Ka Itna Shoq Tha Kay Train Kay
Diye Gaye Dukhon Ka Yaqsar Bhula Dia Humaray Chand Se Mukhray Par Train Nay Waqt
Ki Aci Dhool Jamaiee Kay Taqatwaar Surf Nay Bee Us Ki Safaie Say Hath Jore
Liye.Rawalpindi Kay Peer Wadhaiee Bus Adday Say Hum Nay Rai Kot Kay Bridge Tak
Ka 14 Ghntay Kaa Safar Kia Raat Barish Nay A Lia Doston Nay Iss Safar Or Bus
Mein Humarai Bebasi Ko Nazar Andaaz Kar Kay Humari Traf Asay Dekha Kay Hum
Zindghi Mein Shaied Hi Kabi Aci Beizaty Ko Feel Kia Hu Chay Jaye Kay Humray
Doston Nay Kabi Khul Kay Humarai Izzat Ka Faluda Nahi Kia Magar Pher Bee Humein
Khud Par Reham Anay Laga Rastay Ki Barish Paharee Rastay Sarak Kay Sath Sath
Uchalty Kodty Khaaiyaan Or Thaa.
Kot Say Sath Sath Shor Machata Sher Darya Urfe Aam Mein Darya E Sind Sab Kuch
Qadary Khufnaak Sa Tha Bahar Hall Jis Shakhs Nay Soch Rkha Hu Wo Anay Wali Life
Mein Shadi Bee Karay Ga Uss Ki 1 Adad Bv Or Saas Bee Hu Ge Usay Mout Se Zyda Dar
Nahi Laghta Naveed Nay Safree Asolon Ko Balaye E Taaq Rakhtay Huay Or Cigerate
Ka Dhuwaan Humaray Munh Par Nechawar Krtay Huay Farmaya Khan Saab Yhan Tu Koi
Rescue Bee Nazar Nahi Ata Itni Khtarnaak Tangh Tangh See Khaiyaan Sath Hein Gar
Koi Accident Hu Jaye Raat Kay Iss Pehar Kia Bnay Ga Mein Ne Kaha Bahi Khaiyaan
Gar Tangh Hun Or Ap Khaiee Mein Hun Tu Rescue Walay Suabh Tak Ap Ko Dosri Khaiee
Mein Shift Kar Detaein Hein Humaray Doston Ko Humara Jawab Pasand Nahi Aya Or Ek
Moty See Gaali Inayat Kar De Bahi Wo 3 Thay Hum Ek Fer Teeno Nay Ek Hee Gali De
Hum Nay Socha Maty Pao Nangha Parbat Par Concentrate Karo.Rai Kot Bridge Par
Subah 7 Bajay Bus Walay Nay Humein Bay Bus Kar Dia Apna Samaan Bandnay Or Ankh
Kholnay Kay Baad Hum Nay Tatuu Kay Gaon Tak Transport Kay Liye Ek Jeep Ka
Intekhabh Kia Qun Kay Raasta Bhut Khtarnaak Tha Or Serf Jeep Horse Ya Paidall Hi
Jaya Ja Skta Tha Kaleem Sahib Nay Apnay Munh Ko Mazeed Bura Bana Kar Washroom Ka
Address Pocha Hum Nay Baray Say Pathar Ki Traf Eshara Kia Far Hum Sab Time Zaya
Kiye Bagher Pathron Kay Pechay Roposh Hu Gaye,,Yun Samajh Lijeiye,,,,,, , ,Uss
Nay Saharaa Dia Ju Khud Besahara Tha ,,,,Sath Hee Nangha Parbat Kay Daman Se
Behtay Glacier Kay Pani Ko Istemaal Karnay Par Pata Chala Kay Itna Thanda Pani
Har Jagah Kay Istemaal Kay Liye Nahi Huta ,,,,Pani Huna Bura Nahi Par Itna Thnda
Huna Hamein Pasand Nahi Aya,,,,Jeep Nay 90 Mnt Kay Safar Kay Baad Humein Tatu
Kay Chotay Say Qasbay Mein Poncha Dia Silk Road Ek Lakeer Ki Tra Nazar A Rhi Thy
Iss Time Hum Sata E Samndar Se 9000 Feet Oper Thay Tattu Se Hum Nay Apni Tanghun
Ka Istemaal Suro Kia Or 3 Ghantay Kay Mushkil Tareen Safar Kay Baad Nangha
Parbat Ki Peak Hmaray Samnay Thy Dhoop Nay Uss Ko Bilkul Sonay Jasa Chamakdaar
Bana Dia Tha Fairy Meadows Ki Almost 14000 Height Nay Isay Zra Mushkil Bna Dia
Hay Han Ye Baat Apni Jagah Wahan Ponch Kar Ap Us Kay Lazawal Husan Mein Khu
Jatay Hein Wahan Pakistani Kam Or Foreighner Zyda Thay...Duniya Ki 5th Or
Pakistan Ki 2nd Highest Peak, Fairy Meadow Ki Valley ,Paper Tree Lake Lush Green
Atmosphere Uff Meray Allah Sab Kuch Iss Qadar Haseen Kay Insani Taswar Bee Naa
Ponch Paye Or Iss Kay Daman Mein Glacier Ki Awaaz Sab Kuch Anmol Tha Hmaiein
Samjh A Rha Tha Kay Iss Killer Mountain Kay Logh Itnay Deewanay Qun Hein Apni
Jaan Tak Ka Soda Kar Laitay Hein Par Iss Ko Milna Chatay Hein Ye Ashiqon Ki
Mehbooba Or Pakistan Kaa Maan Hay Mein Ek Pakistani Hun Ye Mera Pakitan Hay
Humein Khud Par Rashq Anay Laga ,,,,,,,,,Pakistan Tujhay Salaam,,,,,,,,,,,Ye
Wadiaan Parbaoton Kee Shahzadiaan,,,,Pakistan Zinda Baad