دریائے نیل کے گرد آباد رنگوں کی جادوئی دنیا

دریائے نیل دنیا کا سب سے طویل دریا ہے جو براعظم افریقہ میں واقع ہے۔ یہ دریا مصر سے بھی گزرتا ہے اور اس دریا کے مصری ساحل کے گرد رنگوں کی ایک ایسی جادوئی دنیا آباد ہے جو دیکھنے والوں کو اپنے سحر میں گرفتار کرلیتی ہے- ہم بات کر رہے ہیں مصر کے قصبے اسوان کے بالمقابل دریائے نیل کے کنارے واقع Anakato Nubian Houses کی- یہ درحقیقت سیاحوں کے لیے تعمیر کیا جانا والا ایک گیسٹ ہاؤس ہے جو تین عمارات پر مشتمل ہے- یہاں آنے والے مہمان مصر کی کئی قسم کی روایات سے لطف اندوز ہوتے ہیں اور ان کے لیے اس گیسٹ ہاؤس میں وقت گزارنا ایک منفرد تجربہ ثابت ہوتا ہے-

دریائے نیل کے ریتیلے ساحل پر واقع یہ Anakato Nubian Houses نامی گیسٹ ہاؤس مختلف رنگوں سے آراستہ ہیں جبکہ اس کی دیواریں پودوں اور جانوروں کی شکلوں کے ڈیزائن سے آراستہ ہیں جو کہ اسے پرکشش بناتے ہیں-

گیسٹ ہاؤس کے بیرونی حصے میں بیٹھ کر دریائے نیل کا شاندار نظارہ کیا جاسکتا ہے حبکہ دوسری جانب مصر کے اسوان نامی قصبے کو بھی دیکھا جاسکتا ہے-

گیسٹ ہاؤس کی عمارات نخلستان میں تعمیر کیے جانے والے گھروں کی طرز پر تعمیر کی گئی ہیں اور انہیں قوسِ قزاح کے تمام رنگوں سے آراستہ کیا گیا ہے-

اس پرسکون گیسٹ ہاؤس میں مہمانوں کی رہائش کے لیے 19 کمرے موجود ہیں اور ہر کمرے کا رنگ انتہائی پرکشش ہے-

دلچسپ بات یہ ہے کہ قدیم طرز پر بنائے جانے والے اس گیسٹ ہاؤس کا اسٹاف مکمل طور پر انگلش زبان میں گفتگو کرتا ہے- یوں تو گیسٹ ہاؤس میں ڈائننگ ایریا موجود ہے لیکن اگر کوئی مہمان چاہے تو اس کے کمرے میں بھی کھانے کا اہتمام کردیا جاتا ہے-

یہ نیوبین ہاؤسز اسوان نامی بین الاقوامی ائیرپورٹ سے 6 میل کے فاصلے پر واقع ہیں٬ تاہم ہوٹل کی انتظامیہ کے پاس اپنے مہمانوں کو ائیرپورٹ تک پہنچانے کا انتظام بھی موجود ہے-

گیسٹ ہاؤس میں سیاحوں کو یہاں کے روایتی لذیز کھانے پیش کیے جاتے ہیں جبکہ جگہ کھانا پیش کیا جاتا ہے اس آنگن کی تزئین و آرائش بھی روایتی طرز پر ہی کی گئی ہے-

یہاں کھانا بالکل تازہ تیار کیا جاتا ہے اور جس وقت بھی مہمان خواہش ظاہر کرے اسے کھانا فراہم کر دیا جاتا ہے-

اگرچہ مصر کے حالات گزشتہ کچھ عرصے سے خراب چلے آرہے ہیں تاہم دفتر خارجہ کی جانب سے دریائے نیل سے ملحقہ اس رنگا رنگ مقام کو محفوظ قرار دیا گیا ہے -

نخلستان میں واقع اس گیسٹ ہاؤس میں وائی فائی کی سہولت بھی موجود ہے جبکہ یہاں ہاتھوں سے تیار کی جانے والی مصنوعات کی دکانیں بھی موجود ہیں جہاں سے سیاح یادگاری اشیا خرید کر ساتھ لے جاتے ہیں-

گیسٹ ہاؤس کا اسٹاف سیاحوں کو دریائے نیل میں تیراکی اور مچھلی کے شکار کے لیے بھی مدد فراہم کرتا ہے-

یہ گیسٹ ہاؤس اپنے پرکشش اور جادوئی رنگوں کی وجہ یہاں سے جانے والے سیاحوں کی ہمیشہ زندہ رکھتے ہیں اور سیاحوں کی بڑی تعداد اس گیسٹ ہاؤس کے حوالے سے توصیفی رائے رکھتی ہے-

< Previous دبئی کی ترقی کے اصل راز NEXT > پاکستان: پرکشش مقامات اور دیومالائی کہانیاں