سحر انگیز نظاروں کے حامل ریسٹورنٹ

عام طور پر ریسٹورنٹ اپنے معیاری کھانوں اور بہترین ماحول کے حوالے سے جانے جاتے ہیں لیکن دنیا میں چند ایسے ریسٹورنٹس بھی موجود ہیں جو اپنی مزیدار ڈشز کے علاوہ اردگرد کے دلکش اور حسین نظاروں کی وجہ سے مشہور ہیں- چند ایسے ہی ریسٹورنٹس کا ذکر آج ہم اپنے اس آرٹیکل میں کر رہے ہیں جو کہ لوگوں میں اپنے سحر انگیز نظاروں کی وجہ سے مقبول ہیں-
 

یہ ایک ایسا ریسٹورنٹ ہے جہاں درخت خود ریسٹورنٹ کے اندر موجود ہیں- کیلیفورنیا میں واقع اس ریسٹورنٹ کو Soho House کے نام سے جانا جاتا ہے-
 

کیلیفورنیا کے علاقے سان فرانسسکو میں واقع اس بلند ترین ریسٹورنٹ میں بیٹھ کر اردگرد موجود تمام عمارات چھوٹی معلوم ہوتی ہیں- اس ریسٹورنٹ کو دی ویو کے نام سے جانا جاتا ہے-
 

فرانس کے دارالحکومت پیرس میں واقع اس ریسٹورنٹ کو Le Jules Verne کہا جاتا ہے اور یہ ریسٹورنٹ مشہور ایفل ٹاور پر تعمیر کیا گیا ہے- اس ریسٹورنٹ میں بیٹھ کر پورا شہر آپ کی نگاہوں کے سامنے ہوتا ہے-
 

یہ دلچسپ ہوٹل تھائی لینڈ کے علاقے Krabi میں واقع ہے اور غاروں کے درمیان تعمیر کیا گیا ہے- یہاں آنے والے سیاحوں کے لیے منفرد تجربے کا باعث بنتا ہے- یہ ہوٹل The Grotto کے نام سے مشہور ہے-
 

کیا آپ اس بات کا تصور کر سکتے ہیں جس مقام پر آپ کھانے سے لطف اندوز ہو رہے ہوں وہاں اردگرد برفانی چوٹیاں موجود ہوں- ایسا ہی ایک ہوٹل سوئٹرز لینڈ کے علاقے Mürren میں واقع ہے جو  کہ Piz Gloria کے نام سے مقبول ہے-