ہماری ویب رائٹرز کلب: نئے عہدیداران کا انتخاب اور ایک پُروقار تقریب‎

ہماری ویب ابتدا سے ہی کالم نگاروں اور شعراﺀ حضرات کی حوصلہ افزائی کے لیے مختلف اقدامات کرتی آئی ہے اور ایسا ہی ایک قدم ہماری ویب نے گزشتہ سال ہماری ویب رائٹرز کلب کے قیام کی صورت میں اٹھایا تھا- اس وقت ہماری ویب نے اعلان کیا تھا کہ رائٹرز کلب کی ایک سال کی تکمیل کے بعد کلب کے نئے عہدیداران کا انتخاب کیا جائے گا تاکہ کلب کے دیگر اراکین بھی اپنی قابلیتوں اور صلاحیتوں کا مظاہرہ کرسکیں-

گزشتہ روز ہماری ویب کی جانب سے ہماری ویب رائٹرز کلب کے سال 2016 کے لیے نئے عہدیداران کا انتخاب اور ان کے ناموں کے اعلان کے حوالے سے ایک پروقار تقریب کا انعقاد کیا گیا-
 


یہ تقریب کراچی میں واقع فاران کلب میں بروز اتوار بتاریخ 13 مارچ 2016 کو منعقد کی گئی- تقریب کا آغاز تلاوتِ قرآنِ پاک سے کیا گیا اور اس کے بعد ہماری ویب رائٹرز کلب کے جنرل سیکرٹری اور تقریب کی نظامت کے فرائض سرانجام دینے والے جناب عطا محمد تبسم نے تمام مہمانوں کا ان کی آمد پر خصوصی شکریہ ادا کیا-

جناب عطا محمد تبسم نے بطورِ جنرل سیکرٹری ہماری ویب رائٹرز کلب کی گزشتہ ایک سال کی کارکردگی کی رپورٹ پیش کی جس پر رائٹرز کلب کے ممبران نے اطمینان کا اظہار کیا-

عطا محمد تبسم کا کہنا تھا کہ “ ہماری ویب رائٹرز کلب کے قیام نے ہمیں مل بیٹھنے کا موقع فراہم کیا- سال 2015 کے دوران اس کلب کے تحت دو پروگرام منعقد کیے گئے جو انتہائی کامیاب رہے- پہلی تقریب کا انعقاد آرٹس کونسل میں کیا گیا جس میں ای بک کی رونمائی اور کلب کے قیام کا باضابطہ اعلان تھا- اس تقریب کے مہمانِ خصوصی جناب پروفیسر سحر انصاری صاحب تھے“-

“ گزشتہ سال ہی دوسری تقریب کا انعقاد پروفیسر سحر انصاری صاحب کو ستارہ امتیاز سے نوازے جانے پر ان اعزاز میں کیا گیا اور اس موقع پر مزید ای بک کی رونمائی اور کلب کے چند ممبران کے کارڈ بھی جاری کیے گئے“-
 


جناب عطا محمد تبسم نے ہماری ویب رائٹرز کلب کے صدر ڈاکٹر رئیس احمد صمدانی اور کلب کے دیگر عہدیداران کی جانب سے کی جانے والی رہنمائی پر ان کا بھی خصوصی طور پر شکریہ ادا کیا-

اس موقع پر ہماری ویب کے چیف ایگزیکٹو اور ہماری ویب رائٹرز کلب کے چئیرمین جناب ابرار احمد نے رائٹرز کلب کے سال 2016 کے لیے منتخب کردہ عہدیداران کے ناموں کا اعلان کیا- اس کے علاوہ یہ پہلا موقع ہے جب ہماری ویب رائٹرز کلب کے پاکستان بھر کے عہدیداران اور نمائندگان کے ناموں کا بھی اعلان کیا گیا ہے- اس سے قبل عہدیداران کا انتخاب صرف کراچی تک ہی محدود تھا-

تقریب کے شرکا سے خطاب کرتے ہوئے جناب ابرار احمد کا کہنا تھا “ ہم نے گزشتہ سال بہت کچھ حاصل کیا جبکہ بہت کچھ رہ بھی گیا اور ضرورت اس بات کی ہے اب ہم ان رہ جانے والے امور کا جائزہ لیں“-

“ ہماری ویب رائٹرز کلب ایسے گوگل گروپ اور فیس بک گروپ متعارف کروائے گا جس سے کلب کے ممبران اور عہدیداران آپس میں رابطے میں رہ سکیں گے- اور اب جلد ہی کراچی کے علاوہ پاکستان کے دیگر شہروں میں بھی رائٹر کلب کی جانب سے مختلف تقریبات منعقد کی جائیں گی تاکہ وہاں موجود کالم نگار بھی باآسانی ایک دوسرے سے ملاقات کرسکیں“-

انہوں کہا کہ “ ایک سال قبل منتظمہ کے انتخاب کے لیے یہ طریقہ اختیار کیا گیا تھا کہ اراکین نے یہ اختیار مجھے دیا تھا کہ میں عہدیداران کے ناموں کا اعلان کروں اور میں نے ساتھیوں سے مشورے کے بعد جو انتظامیہ منتخب کی تھی اﷲ کے فضل سے وہ ساتھی آج سرخرو ہیں ان کی کارکردگی سے میں مطمئن ہوں اور انہیں مبارک باد پیش کرتا ہوں“۔
 


“ خصوصاً کلب کے صدر ڈاکٹر رئیس صمدانی صاحب کلب کی سرگرمیوں میں مستقل اور مسلسل سرگرم رہے ابتداء میں کلب کا بروشرز تیار کیا اور اب جو دستور آپ کے ہاتھوں میں جو کلب کی اہم اور بنیادی و تاریخی دستاویز ہوگی یہ بھی انہیں کا کاوشوں کا ثمر ہے۔ عطا محمد تبسم صاحب بھی اپنی تمام تر مصروفیات کے باوجود کلب کی سرگرمیوں میں بھر پور حصہ لیتے رہے“۔

جناب ابرار احمد نے کہا کہ “منتظمہ کے چناؤ کا جو طریقہ ہم نے ایک سال قبل اختیار کیا تھا آج بھی ہم اسی طریقہ کار پر عمل کریں گے۔ اب ہم نے کلب کی انتظامیہ کے عہدیداران میں اضافہ کردیا ہے جس کا مقصد کلب کا زیادہ فعال بنانا ہے“ -

اس تمہید کے بعد ابرار احمد صاحب نے آئندہ سال 2016ء کے لیے نئی منتظمہ کے عہدیداران کے ناموں کا اعلان کیا۔ انہوں نے کہا کہ جناب صمدانی صاحب اور جناب عطا محمد تبسم صاحب نے کلب کے لیے جو خدمات دیں اس کے پیشِ نظر فیصلہ کیا گیا ہے کہ آئندہ بھی ہماری ویب رائیٹرز کلب کے صدر ڈاکٹر رئیس صمدانی اور سیکریٹری جنرل جناب عطا محمد تبسم ہی ہوں گے۔ معزز اراکین نے تالیاں بجا کر جناب ابرار احمد صاحب کے فیصلے کی توثیق کی۔ انہوں نے کہا کلب کی نئی منتظمہ ذیل احباب پر مشتمل ہوگی۔

رائٹرز کلب کے نئے عہدیداران:

صدر: : پروفیسر ڈاکٹر رئیس صمدانی
نائب صدر (سینئر) : سید مسرت علی
نائب صدر: : میر افسر امان
سیکریٹری جنرل: : عطا محمد تبسم
ایسوسی ایٹ سیکریٹری جنرل: : شیخ خالد ذاہد
اسسٹنٹ سیکریٹری (۱) : پروفیسر ڈاکٹر شبیر احمد خورشید
اسسٹنٹ سیکریٹری (۲) : ایم ابراہیم خان
کو آرڈینیٹر : خواجہ مصدق رفیق

اراکین گورننگ باڈی:
منیر بن بشیر
سید انور محمود
محمد فیصل شہزاد
محمد اعظم عظیم اعظم
ڈاکٹر شیخ ولی خان المظفر
ڈاکٹر ظہور احمددانش
صابر عدنانی
اشعر نجمی
رشید احمد
حبیب خان
آباد علی
جاوید صدیقی
محمد ارشد قریشی
سلیم اﷲ شیخ
عابد محمود عزام
ثنا غوری
عینی نیازی

پاکستان کے مختلف شہروں میں جن نمائندوں کا انتخاب کیا گیا ان کی تفصیل حسب ذیل ہے:

راولپنڈی ؍ اسلام آباد:
انعام الحق اعوان (سیکرٹری)
عطاء الرحمٰن چوہان (سٹی کو آرڈینیٹر)
یاسر رفیق (Representative)
سحر علی (Representative)

پشاور:
روشن خٹک (سیکریٹری)
رضوان اﷲ پشاوری (سٹی کوآرڈینیٹر)
مسرت اﷲ جان (سٹی کوآرڈینیٹر)

لاہور:
غلام عباس صدیقی (سیکریٹری)
عارف جمیل (Representative)
فواد احمد (Representative)
سرور صدیقی (سٹی کو آرڈینیٹر)

گجرانوالہ :
ذوالقرنین ہنڈل (سٹی کو آرڈینیٹر )

اٹک:
شہزاد حسین (سٹی کو آرڈینیٹر )

لیہ:
صدیق پریہار (سٹی کو آردینیٹر )

جھنگ:
شفقت سیال (سٹی کو آردینیٹر )

شانگلہ:
نظام الدین (سٹی کو آردینیٹر )

حیدر آباد:
عمران احمد راجپوت (سٹی کو آرڈینیٹر )

ملتان:
: اسرار راجہ (سٹی کو آرڈینیٹر )

کوٹ ادو:
شفیق احمد خان (سٹی کو آرڈینیٹر )

جمبیر:
عقیل احمد خان (سٹی کو آرڈینیٹر )

دیپال پور:
ریاض پرنس (سٹی کو آرڈینیٹر )

تقریب میں رائٹرز کلب کے صدر جناب رئیس احمد صمدانی نے دستورِ اساسی بھی پیش کیا اور اس امید کا اظہار بھی کیا کہ کلب کے تمام ممبران اس دستور پر مکمل عمل پیرا ہوں گے اور کلب کی ترویج و ترقی کے لیے اپنی خدمات پیش کریں گے-

ڈاکٹر رئیس احمد صمدانی نے اس موقع پر تقریب میں شریک مہمانوں کا شکریہ ادا کیا- اس کے علاوہ ان ساتھیوں کا بھی شکریہ ادا کیا جو رائٹرز کلب کی مختلف میٹنگ میں آتے رہے اور اپنے مفید مشوروں سے نوازتے رہے-
 


ڈاکٹر رئیس احمد صمدانی کا کہنا تھا “ کتابوں٬ اخباروں اور رسالوں کا مطلعہ اپنی جگہ اہمیت کا حامل ہے لیکن آج آن لائن لکھنے کا زمانہ ہے اور ہمیں اس کا مکمل ادراک ہے“-

دستورِ اساسی کے حوالے سے ڈاکٹر رئیس احمد صمدانی کا کہنا تھا “ کسی بھی ادارے کے لیے دستورِ اساسی کی اہمیت مسلمہ ہے اور اسی لیے ہماری ویب رائٹرز کلب کا دستورِ اساسی مرتب کیا گیا ہے کیونکہ یہ اس ادارے کی بقا کے لیے انتہائی ضروری ہے“-

تقریب میں شریک مہمانوں جو کہ کلب کے ممبران بھی تھے٬ نے کلب کی نئی انتظامیہ کو اپنی قیمتی تجاویز اور آرا سے بھی نوازا اور ادب کی خدمت کے لیے کلب کو اپنے بھرپور تعاون کا بھی یقین دلایا- اکثریت ممبران کی جانب سے ایک تجویز جو پرزور انداز میں سامنے آئی وہ یہ تھی کہ “ ضرورت اس بات کی ہے کہ ہماری ویب کے توسط سے بچوں کی تربیت کے لیے بھی کچھ اقدامات کیے جائیں“-

اس حوالے سے ہماری ویب رائٹرز کلب ںئے سینیر نائب صدر جناب سید مسرت علی کا کہنا تھا کہ “ ہمیں 8 سے 12 سال کی عمر تک کے بچوں کی ذہن سازی کے لیے ویڈیو لیکچر تیار کرنے چاہئیں اور اس سلسلے میں اپنی خدمات ہماری ویب کو رضا کارانہ طور پر پیش کرتا ہوں٬ جہاں میری ضرورت ہوگی میں ضرور تعاون کروں گا“-
 


تقریب کے اختتام پر ہماری ویب رائٹرز کلب کے عہدیداران نے تمام مہمانوں کا شکریہ ادا کیا اور ساتھ ہی اس امید کا بھی اظہار کیا ہماری ویب رائٹرز کلب کا سفر تمام ممبران کے تعاون سے اپنی منزل کی جانب گامزن رہے گا-
 

 

Reviews & Comments

زیادہ بہت زیادہ
ہماری ویب کے ایک اجتماع میں ان سے ملاقات ہوئی تو سوچا ان سے پوچھوں کہ نام تو آپکا بہت لمبا ہے، مضامین کی تعداد کتنی لمبی ہے لیکن ہمت نہیں پڑی، پھر اس سال 13 مارچ کو ان سے پھر ملاقات ہوئی اور دیکھا بھرئے مجمع میں وہ اپنے گھر کی باتیں بتارہے تھے، وہ کہہ رہے تھے میں جب گھر پہنچ کر اپنی بیگم سے کھانا مانگتا ہوں تو وہ کہتی ہیں ، کھانا بعد میں کھا لیجیے گا پہلے آپ اپنا مضمون لکھ لیں، تو میں لکھے بغیر تو کھانا بھی نہیں کھاتا۔ ہم نے سوچا ہم سے کچھ زیادہ لکھ لیے ہونگے۔ لیکن 4 مئی کو جب ہم ایک ایک کو بتارہے تھے کہ آج ہمارئے تین سو (300) مضامین مکمل ہوگے ہیں ، اس دن انکا بھی ایک مضمون شایع ہوا اور اسکا نمبر دیکھ کر ہمیں ایسا لگا کہ جیسے بونس واشنگ پاوڈر کا اشتہار چل رہا ہو، جس میں ایک خاتون کہتی ہیں ‘‘زیادہ بہت زیادہ’’، یہ ہی حال انکے مضامین کی تعداد کا ہے، ہمارئے تین سو (300) کے مقابلے میں ‘‘زیادہ بہت زیادہ’’ ۔ ہماری قسمت اچھی تھی کہ کبھی ان سے پوچھا ہی نہیں کہ انکےمضامین کی تعداد کیا۔ کون ہیں وہ آیئے مل لیجیے۔۔۔۔۔
جناب محمد اعظم عظیم اعظم صاحب کے 4 مئی کو ہماری ویب پر شایع ہونے والے انکےمضمون کے ساتھ ہی ہماری ویب پر انکے مضامین کی تعداد نو سو (900) ہوگئی ہے۔ جناب محمد اعظم عظیم اعظم صاحب میری جانب سے آپکو بہت بہت مبارک ہو، دعا گو ہو کہ آپکا قلم سچ کی آواز ہمیشہ بلند کرتا رہے، آمین۔
By: Syed Anwer Mahmood, Karachi on May, 06 2016
Reply Reply
0 Like
THANKS FOR PUTTING TRUST ON ME FOR KOT ADDU CITY COORDINATOR. INSHALLAH SHALL PERFORM WITH MY BEST. SHAFIQ KHAN KOT ADDU.
KOT ADDOEANS CAN CONT. ME ON; 0333 6017660, 0300-2534320
By: SHAFIQ , KOT ADDU on Apr, 24 2016
Reply Reply
0 Like
sorry to miss this event as to b out of city on the day! Congrats to all new orginizres
By: farhat tahir, karachi on Mar, 29 2016
Reply Reply
0 Like
میں رائیٹرز کلب کے تمام نئے عہداداران کو انکی نئی ذمہ داریوں کے حوالے سے منتخب ہونے پر مبارکباد پیش کرتا ہوں اور امید کرتا ہوں کہ منتخب اراکین اس فورم کی بہتری کے لئے کام کریں گے۔
(کالم نویس ہماری ویب : میاں خالد جمیل لاھور)
By: Mian Khalid Jamil, Lahore on Mar, 25 2016
Reply Reply
2 Like
اجتماعیت اور ٹیم کے بہت فائدے ہوتے ہیں۔
اب یہ دیکھیں نا کہ اجتماعیت کا سب سے بڑا فائدہ یہ ہوا کہ پروفیسر رئیس صمدانی صاحب ، ،ڈاکٹر شیخ ولی خان المظفر، ڈاکٹر ظہور احمددانش ، عطا محمد تبسم، سید انور محمود صاحب، جناب اعظم عظیم اعظم، محترم منیر بن بشیر، سید مسرت علی صاحب ، شیخ خالد زمان صاحب اور دیگر علمی و ادبی شخصیات کے ساتھ مجھ سے مبتدی اور کم علم فرد کا نام بھی آرہا حالانکہ من آنم کہ من دانم
بہت شکریہ ہماری ویب، اور تمام قارئین اور تبصرہ کرنے والے خواتین و حضرات کی محبتوں کا بھی بہت شکریہ جو ہماری ویب سے محبت کرتے ہیں اور اپنے قیمتی وقت میں سے کچھ لمحات نکال کر ہماری ویب کا دورہ ضرور کرتے ہیں۔ اور ساتھ ساتھ اپنی قیمتی رائے اور مشوروں سے بھی نوازتے ہیں۔
By: Saleem Ullah Shaikh, Karachi on Mar, 20 2016
Reply Reply
2 Like
منیر بن بشیر
سید انور محمود
محمد فیصل شہزاد
محمد اعظم عظیم اعظم
ڈاکٹر شیخ ولی خان المظفر
ڈاکٹر ظہور احمددانش
صابر عدنانی
اشعر نجمی
رشید احمد
حبیب خان
آباد علی
جاوید صدیقی
محمد ارشد قریشی
سلیم اﷲ شیخ
عابد محمود عزام
ثنا غوری
عینی نیازی
سب کو مبارک باد پیش کرتا ہوں ۔۔۔ان ناموں میں ایک ایسے قابل انسان کا نام بھی ہے جس سے نہ جانے کتنے لوگوں نے علم کے موتی حاصل کیے ایک زمانہ ان کی قابلیت کا معترف ہے ۔انھیں اس فہرست میں دیکھ کر بہت خوشی ہوئی اور وہ میرے پسندیدہ محقق ڈاکٹرظہوراحمد دانش ہیں ۔اپنی قابلیت اور دیانت علمی سے ہمیں بہت متاثر کیا ۔ہماری ویب پر مجھے اسی شخص کی وجہ سے استقامت ملی ۔۔بہت بہت مبارک ہو۔۔۔
By: عبدالصمد, لاہور on Mar, 18 2016
Reply Reply
3 Like
خوب صورت تقریب پر مبارک باد قبول کیجئے ۔۔۔۔ھزارہ ڈویژن کو نظر انداز کیا گیا ۔۔۔۔میں اپنا نام عہدیدار کے طور پر پیش کیا تھا لیکن تاخیر سے ۔۔۔مگر اس کی بھی کوئی رسید نہ دی گئی ۔۔۔عہدیاروں کا انتخاب کیسے کیا جاتا ہے اس کی تصیل کا بھی کچھ علم نہیں پلیز ذرا تفصیل سے آگا ہ کیا جائے تو ممنون ہوں گا ۔۔۔۔۔۔۔۔۔وسلام ۔۔۔۔۔یو نس مجاز
By: younas majaz, Haripur on Mar, 17 2016
Reply Reply
0 Like
The function was very well. I enjoyed there very much and received a bundle of inspirations.
By: Nadeem Israr, Karachi on Mar, 17 2016
Reply Reply
0 Like
میں رائیٹرز کلب، کے تمام نئے عہداداران، کو انکی نئی ذمہ داریوں کے حوالے سے منتخب ہونے پر مبارکباد پیش کرتا ہوں، اور امید کرتا ہوں ، پرانے اور سینئر ساتھی ، نئے لکھنے والوں کی ہمت افزائی بھی کریں گے، اور حوصلہ افزائی بھی۔ نیا لکھنے والا، جب کوئی چیز لکھتا ہے، تو ڈرا ہوا بھی ہوتا ہے، اور سہماء ہوا بھی، کہ آیا وہ جو کچھ آگے پیش کررہا ہے، قارئین اسے پسند بھی کریں گے یا نہیں۔ اسلے نئے لکھنے والوں کی حوصلہ افزائی کی جائے، اور ایک ایسا ڈیسک کھولا جائے ،جہاں سے وہ ضرورت پڑنے پر راہنمائی حاصل کرسکے۔ تاکہ اسکی بمت افزائی ہو۔ تعریف بھی اور تنقید بھی۔
میں جناب، ابرار حسین صاحب، اور انکے تمام رفقاء کو مبارک باد پیش کرتا ہوں۔ اور امید کرتا ہوں، کہ وہ اس فورم کہ بہتری کے لئے کام کریں گے۔ جہاں تک بچوں کے لئے کام کرنا کا تعلق ہے، یہ ایک بہت خوبصورت انداز فکر ہے، کہ چھوٹے بچوں کی صلاحیتوں کو نکھارا جائے۔ اور “بچوں کی بھلواری“ کے نام سے سائیٹ تشکیل دی جائے، تاکہ وہ بھی چھوٹی چھوٹی کہانیاں لکھا کریں۔
خیر اندش ۔ فاروق سعید قریشی،
By: فاروق سعید قریشی, Karachi on Mar, 16 2016
Reply Reply
1 Like
ماشا ء اللہ اچھا پروگرام تھا ہم راولپنڈی سے کراچی نہ آ سکے ورنہ ضرور شرکت کرتے ۔۔۔تمام نومنتخب عہدیداران کو دلی مبارکباد قبول ہو ۔۔۔۔اللہ ہمارے تنظیم کو بہتر خدمت کے مواقع فراہم کرے ۔۔۔آمین
By: syed arif saeed bukhari, Rawalpindi on Mar, 15 2016
Reply Reply
1 Like
اس میں کوئی دو رائے نہیں کہ ہماری ویب ایک عظیم مشن پر کام کر رہی ہے، جس نے بلامبالغہ سیکڑوں کی تعداد میں لکھاری دیے ہیں۔ اللہ تعالیٰ اسے بہت بہت ترقیوں سے نوازے۔ ہماری ویب رائٹرز کلب کے تمام عہدیداران کو بہت مبارک ہو۔ تقریب ماشااللہ بہت شاندار تھی۔
By: Abid Mahmood Azzam, Karachi on Mar, 15 2016
Reply Reply
1 Like
ہماری ویب، کی تقریب کا حال پڑھ کر دلی مسرت حاصل ہو ئی۔ مجھے صوبہ خیبر پختونخوا کا سیکرٹری مقرر کرکے جو اعزاز بخشا ہے، میں دل کے گہرائیوں سے اس کے لئے ممنون و مشکور ہوں اور اپنی ذمہ داریاں خلوص دل سے پورا کرنے کا عہد کرتا ہون، شکریہ ،اس دعا کے ساتھ کہ ہمار ویب دن دگنی رات چگنی ترقی کرتی رہے
By: roshan khattak, Peshawar on Mar, 15 2016
Reply Reply
0 Like
بیماری کی وجہ سے چلنے سے قاصر ہوں ، اپنی خاندانی تقریبات میں بھی کم ہی جاتا ہوں لیکن 10 جنوری 2015 سے ہماری ویب کے کسی فنکشن میں غیر حاضر نہیں رہا، میرا پیارا بیٹا میرے ساتھ ہوتا ہے۔ ہماری ویب کے کسی بھی پروگرام میں شمولیت سے آگاہی بڑھتی ہے، 13 مارچ کےپروگرام میں بھی بہت کچھ سیکھنے کو ملا۔ میری طرف اس شاندار تقریب کے انعقاد پر ابرار اینڈ کمپنی کو بتے بتے مبارک باد۔ شکریہ ابرار صاحب اور شکریہ ہماری ویب کا۔ انشااللہ جلد ہی تفصیل سے ایک مضمون لکھوں گا اس پروگرام پر۔ دعاؤں کی درخواست کے ساتھ اللہ حافظ
By: Syed Anwer Mahmood, Karachi on Mar, 15 2016
Reply Reply
1 Like
ماشاءاللہ بہت عمدہ تقریب تھی.
تمام عہدےداران و اراکین کو دلی مبارکباد پیش کرتی ہوں
By: Muhammad Riaz Prince, Okara on Mar, 15 2016
Reply Reply
0 Like
Congratulations to the new selected body
And hope to do more and more in year 2016
By: Ch.Zulqarnain.Hundal, Gujranwala on Mar, 15 2016
Reply Reply
0 Like
great efforts
By: Musarrat Ullah Jan, Peshawar on Mar, 15 2016
Reply Reply
0 Like
وقت جیسا ہو بیت جاتا ہے پر کچھ ساعتیں ایسی ہوتیں ہیں جو ہمیشہ یادوں میں اچھا تاثر چھوڑتی ہیں.ہم ہمیشہ ہماری ویب کی تقریب سے نکلتے ہیں تو کچھ اور اچھا اور نیا کرنے کی جستجو لے کر....اس بار بھی اس تقریب سے سمجھیں کچھ حاصل ہی کیا.ہماری ویب کہیں نہ کہیں کسی نہ کسی حوالے سےحیاء غزل کی پہچان ضرور بنی ہے اور ہماری بھی یہی کوشش رہتی ہے کہ ہم اس پہچان کا حق اد ا کرسکیں.اسکے لیئے ہم ذاتی طور پر ہمیشہ سرگرم رہتے ہیں.ہم ابرار صاحب اور ہماری ویب کے تمام معزز اراکین اور ممبرز کے بے حد ممنون ہیں.اس حوالے سے اور ہماری ویب کو دستور سازی اور رائٹرز کلب کے نئے منتخب تمام عہدے داران کو ہماری جانب سے بہت بہت مبارکباد اللہ آپ سب کو اپنی ذمہ داریاں احسن طریقے سے نبھانے میں کامیابی سے ہمکنار کرے.آمین
By: Haya Ghazal, Karachi on Mar, 15 2016
Reply Reply
1 Like
تمام نئے عہداروں کو میری جانب سے دل کی گہرائیوں سے مبارک باد قبول ہو میں ہماری ویب کے تمام اراکین بل الخصوص ابرار احمد صاحب، ڈاکٹر رئیس احمد صمدانی صاحب ، عطاء محمد تبسم صاحب ، خواجہ مصدق رفیق صاحب کا شکریہ ادا کرتا ہوں کہ انھوں نے مجھے گورننگ باڈی کا ممبر مقرر کیا انشااللہ ہم سب مل کر ہماری ویب جو اردو ادب اور معاشرے میں تربیتی عمل زہن سازی اور ایک خوبصورت معاشرہ کی تشکیل کے لیئے کوشاں ہے ہم سب اس کے شانہ باشانہ کام کرینگے ۔
By: Muhammad Arshad Qureshi (Arshi), Karachi on Mar, 15 2016
Reply Reply
1 Like
تمام عہدےداران و اراکین کو دلی مبارکباد پیش کرتی ہوں
By: uzma ahmad, Lahore on Mar, 15 2016
Reply Reply
1 Like
ہماری ویب رائیٹرز کلب کے تمام اراکین لکھاریوں اور کلب کے چئیرمین ابرار احمد صاحب اور ان کی ٹیم کا شکریہ کہ انہوں نے میری اور میرے ساتھیوں کی کارکردگی کو سراہا اور دوبارہ اعتما د کرتے ہوئے مجھے یہ اعزاز بخشا، تمام لکھاری ساتھیوں سے گزارش ہے کہ وہ اپنا تعاون حسب سابق جاری رکھیں انشاﺀ اﷲ ہم اپنے ساتھیوں کے تعاون سے کلب کی سرگرمیوں کو اور زیادہ اوپر لے جانے میں کامیاب ہوں گے۔ تمام ساتھیوں کا بہت شکریہ ڈاکٹر رئیس صمدانی
By: Dr Rais Ahmed Samdani, Karachi on Mar, 15 2016
Reply Reply
4 Like
ہماری ویب رائٹرز کلب کی انتظامیہ کا تہہ دل سے مشکور ہوں کہ انہوں نے مجھے ایسوسی ایٹ سیکریٹری جنرل کا اہم عہدہ دیا۔ اللہ نے چاہ تو اس ذمہ داری کو بہت احسن طریقے سے نباہ پائونگا اور آپ لوگوں کا تعاون بھی شامل حال رہا۔ ابرار احمد صاحب اور انکی ٹیم کا تہہ دل سے شکریہ ادا کرنا چاہتا ہوں۔
By: Sh. Khalid Zahid, Karachi on Mar, 15 2016
Reply Reply
1 Like
اس میں کوئی دو رائے نہیں کہ ہماری ویب اسوقت لکھنے والوں کیلئے بہترین فورم ہے۔ روز بروز لکھنے والوں میں اضافہ اس بات کی گواہی ہے۔ میں نے اپنے جذبات کی ترجمانی اپنے لکھے گئے مضمون میں کر دی ہے جس کا عنوان ہے “ہماری ویب لکھنے والوں کی ماں ہے“ لنک آپ اپنوں کہ ساتھ شیئر کر رہا ہوں۔ http://www.hamariweb.com/articles/article.aspx?id=72845


By: Sh. Khalid Zahid, Karachi on Mar, 15 2016
Reply Reply
0 Like
ایک انتہائی پراثر اور بامقصد تقریب تھی جس کے تُرک و احتشام کے ساتھ انعقاد پر ہماری ویب کی ٹیم مبارک باد کی مستحق ہے اللہ ہماری ویب
کو وقت کی رفتار سے بھی زیادہ تیز ترقی عطا فرمائے۔ آمین ثمہ آمین : ہماری ویب کالم نگار: محمد اعظم عظیم اعظم
By: Muhammad Azim Azam Azam, Karachi on Mar, 14 2016
Reply Reply
1 Like
ماشاءاللہ بہت عمدہ تقریب تھی.
By: عمران احمد راجپوت, حیدرآباد,سندھ on Mar, 14 2016
Reply Reply
0 Like
Masha Allah bohoth bohoth mubarak ho aap sab ko ...Jazak Allah Hu Khairan Kaseera
By: farah ejaz, Aaronsburg on Mar, 14 2016
Reply Reply
0 Like
cOngrates to all
By: meer alee, Birmingham on Mar, 14 2016
Reply Reply
0 Like
congratulation to all.
By: H/Dr Ch Tanweer Sarwar, Lahore on Mar, 14 2016
Reply Reply
0 Like
Language:    
HamariWeb has recently organized a grand ceremony to elect the new officials of HamariWeb Writer's Club for 2016 and for the announcement of their names.