Insaan Kay Khabh Poray Na Hun
Or Baar Baar Serf Khabh Bas Khabh Sey Reh Jaein Na Hu Tabeer Na Hu Achee Taqdeer
Tu Bas Khabh Bee Nabeena Sey Hu Jatay Hein Or Insaan Jaghtay Ya Sotay Khabh
Dekhna Pasand Nahi Karta...Janay Mein Khabh Qun Dekhta Hun,,,Har Khabh Mein
Sairabh Qun Dekhta Hun.Jabh Asay Lagay Kay Ubh Koi Dua Qabool Nahi Huty Ebadat
Bas Ek Adat Ki Tra Sey Mehdood Hu Kar Khoon Mein Shaamil Hu Gai Hay Koi Rohaan
Taskeen Na Mil Rahee Hu Fer Anay Wala Sawera Bee Shaam Sa Hee Laghta Roshni
Andehray Ki Dost Laghty Insaan Apnay Aap Mein Gum Hu Jata Hay Khushi Khushi Nahi
Laghty Muskarahatein Bey Maani See Khushk Hawa See Hu Jatein Hein Ju Kapra Tu
Uraa Dety Hein Magar Insaan Ki Rooh Ko Nahi Janjhoor Patein Insaan Kaa Deemagh
Munjamid Saa Hunay Laghta,,,,Dhundhta Pherta Hun Khud Ko,Na Janay Ubh Khud Se
Kab Mulaaqaat Hu.Ek Din Hum Asay Hee Loghun Mein Chalay Gaye Ju Waqt Kay Qaidee
Ban Gaye Thay Un Ka Mazi Hee Haal Or Anay Wala Kal Tha.Wo Gana Sunatay Sunatay
Ronay Laghtay ,,Aam Sey Din Ko Eid Ki Tra Manatay Or Eid Kay Din Serf Matam
Kartay Har Ek Ki Iss Halat Kay Pechay Ek Kahani Thee Ye Wo Logh Thay Ju Zakhm
Kha Kha Kay Ubh Beenaie Sey Mehroom Khabh Dekhtay Thay Koi Ubh Tak Bachon Saa
Tha Or Kici Ko Apnay Bachon Kaa Hee Nahi Pata Tha.Koi Tom Cruise Tha Koi Waheed
Murad Koi Sultan Rahi Koi Ubh Tak Trafic Police Ka Hawaldaar Tha Ek Sahib Ju Llm
Kay Degree Holder Thay Wo Apnay Aap Judghe Thay Or Khata Khat Faslay Sunatay
Thay Fer Kici Zalim See Hasina Kaa Naam Lay Kar Phoot Phoot Kay Ronay Laghtay.Ek
Jagah Ek Mohtarma Doctor Bani Huein Thee Ju Har Ek Ko Mareez Or Khud Ko Maseeha
Samjhtein Thee Fer Ek Bosseda Sa Hand Bag Uthaa Kar Tezee Sey Baher Nikalan
Chaty Thein Kay Un Kay Bachon Ki School Ki Chuty Hunay Wali Hay Or Wo Late Hu
Gein Hein Fer Lohay Ki Grell Ko Pakar Kar Zor Zor Sey Chhekhnay Laghty Thein
Khulo Khulo Mra Shohar Mujhay Bhut Maray Ga Agar Mein Bachon Ko School Say Late
Lay Kar Aein Mein Uss Ki Bv Nahi Nokaaraani Hun Wo Roz Mujhay Yaad Delata
Hay,,,Khulo Khulo,,Mujhay Janay Du,,,,Mein Insaan Hu Kar Itna Zalim Qun
Hun,,,,Jabh Wo Bv Thee Tu Mein Malik Qun Hun.,,,