PAKISTAN KI Siasat Se Alooda
Cricket Ko Theek Karnay Ka Socha Jaa Raha Hay Almiya Ye Hay Kay Sochnay Walay
Wohee Hein Jin Loghun Nay Isay Tabah Kiya,,Pcb Ki Har Seat Par Uloo Baitha Hay
Anjam E Cricket Na Janay Kia Hu Ga.Sports Kici Bee Mulk Kay Liye Ek Pride Huty
Hein Jis Sey Us Mulk Mein Sehat,Talent,Oppertunities Or Skills Ko Napaa Jata
Hay.Agar Hum Zara Pechay 1992 Mein Chalay Jaein Tu Hum Duniya Mein
Cricket,Hockey,Snooker Or Squash Mein Hukmaraani Kar Rahay Thay Pakistan Ka Ek
Soft Or Colorfull Image Pori Duniya Ko Jata Tha .Har Maidaan Mein Sabz Hilaali
Parcham Nazar Atha Tha,,,,Har Pakistani Maidaan Mein Dhamaal Dalta Tha.Humaree
Cricket 15 Salon Se Zawaal Pazeer Hay Jasay Iss Mulk Mein Zendeghi Ka Har Shubah
Zawaal Pazeer Hay Sewaye Corruption Kay Ju Ajh Bee Usi Raftaar Se Oper Ja Raha
Hay Jasay Koi Gas Baloon Oper Se Oper Jata Rehta Hay.Asee Baat Nahi Kay Humaray
Pas Achay Crickter Nahi Achay Administrator Nahi Asa Nahi Hay Magar Asay Logh
Hukmarano Ki Chokhaton Dehleezon Par Matha Nahi Taktay Naa Hi Wo In Kay
Darbaaree Ban Jana Pasand Kartay Hein Allah Nay Ju Un Ki Izat Dei Huty Hay Wo
Chand Takon Or Kursion Kay Liye Iss Ko Zaya Nahi Kartay.Jis Trah Sey Mojuda Pch
Administration Or Selection Committee Nay Cricket Or Cricketers Ko Jis Tra
Barbaad Kiya Iss Ki Rehablitation Mein Bhut Saa Time Lagh Jaye Ga.Ek Baat Humein
Samajh Laini Chaiye Hay Kay Jabh Tak Hum Talent,Merit Or Transparency Ko Ehmiat
Nahi Dein Gay Hum Iss Se Bee Nechay Jaien Gay.Humein Ubh Bhut Kuch Badalna Hu Ga
Cricket Ko Bee Shahi Mehlaat Sey Nikaal Kar Crickters Kay Hawalay Karna Hu Ga
Har Shubay Se Insaaf Karna Hu Ga Sonay Kaa Nivalaa Khila Kay Sheir Wali Nazar
Rakhna Hu Ge.Ubh Seats Ko Siasi Reshwat Kay Bajaye Cricket Kay Khidmat Guzaro
Kay Hawalay Karna Hu Ge.Schools Colleges Universities Mein Khel Ko Ehmiat Dee
Jaye Grounds Ki Tadaad Mein Izafa Karnay Kay Sath Sahooliaat Mein Izafa Karna Hu
Ga Werna Duniya Agay Nikal Jaye Ge Or Humein Qualifying Rounds Khelna Par Jaien
Gay Ju Haal Humara Hockey Mein Hu Chucka Hay.