وہ پاکستانی ہیروز جنہیں بھلا دیا گیا

کچھ لوگ ہمیشہ یاد رہتے ہیں جبکہ کچھ لوگ بھول جاتے ہیں لیکن یہ حقیقت ہے کہ ہر شخص اپنے پیچھے کوئی نشانی یا کارنامے ضرور چھوڑ جاتے ہیں- مختلف میدانوں میں دکھائے جانے والے یہ کارنامے چاہے چھوٹے ہی کیوں نہ ہوں لیکن انتہائی اہمیت کے حامل ہوتے ہیں- ماضی میں ایسے ہی کارنامے چند پاکستانی شخصیات نے بھی دکھائے جس نے پاکستان کے مستقبل کو روشن بنا دیا- تاہم بدقسمتی سے آج ہم ان پاکستانی شخصیات کو فراموش کیے بیٹھے ہیں-

انکل سرگم کو کون نہیں جانتا؟ 80 اور 90 کی دہائی میں سب سے زیادہ پسند کیے جانے والے puppet انکل سرگم کے پیچھے فاروق قیصر کا چہرہ تھا- 1989 میں کی جانے والی اس تصویر میں فاروق قیصر اپنے ایک اور مقبول puppet مسٹر بونگا بخیل کے ساتھ ہیں-

عبدالخالق کا شمار ایشیا کے تیز ترین دوڑنے والے افراد میں کیا جاتا تھا- یہ 1956 میں ہونے والے اولپمک کھیلوں کی ہے جب انہوں نے 200 میٹر کی ریس میں فتح حاصل کی-

فاروق جہاں تیموری 1958 میں ریڈیو پاکستان کی سب سے پہلی خاتون ملازم تھیں-

لوگوں کی ایک بڑی اکثریت علامہ علاؤ الدین صدیقی کے نام سے ناواقف ہوگی- علامہ علاؤالدین صدیقی پاکستان کی تخلیق میں ایک اہم کردار ادا کیا اور انہیں ان کی خدمات کے اعتراف میں ستارہ امتیاز سے نوازا گیا-

ائیر مارشل نور خان جنہیں man of steel کہا جاتا تھا پاکستان ائیر فورس کے کمانڈر اِن چیف تھے-

بیگم زبیدہ حبیب رحیم طولہ ایک نامور سماجی کارکن اور آل پاکستان وومن ایسوسی ایشن نامی تنظمی کی بانی تھیں-

لالی ووڈ کا ایک بھولا بسرا چہرہ: جمیلہ رزاق اور الیاس کاشمیری 1963 میں فلم عشق پر زور نہیں میں اپنی فنکاری کے جوہر دکھاتے ہوئے-

روشن خان٬ ہاشم خان اور اعظم خان- پاکستان اسکواش کے تین مقبول ترین کھلاڑی جنہوں نے کئی عالمی اعزاز اپنے نام کیے-

نامور افسانہ نگار سعادت حسن منٹو اپنے بھتیجے حامد جلال کے ساتھ- یہ تصویر 1949 میں لاہور میں کھینچی گئی- منٹو کو اپنے افسانوں کی وجہ سے بےپناہ شہرت حاصل تھی-