چند منفرد طرزِ تعمیر کی حامل مساجد جن سے آپ واقف نہیں

مسجد مسلمانوں کے لیے ایک مقدس مقام ہوتا ہے- یہ وہ مقام ہے جہاں تمام مسلمان اکھٹے ہو کر نہ صرف عبادت کرتے ہیں بلکہ مذہبِ اسلام کی تعلیمات بھی حاصل کرتے ہیں- یہی وجہ ہے کہ مسجد ایک مسلمان کی زندگی کا مرکز بھی سمجھی جاتی ہے- دنیا بھر کی مساجد اسلامی ثقافت کی نمائندگی کرتی ہیں- یہاں ہم دنیا بھر کی چند ایسی منفرد طرزِ تعمیر کی حامل مساجد کا ذکر کرنے جارہے ہیں جن سے بہت کم لوگ واقف ہیں-
 

Cologne Central Mosque
یہ منفرد ڈیزائن کی حامل مسجد جرمنی میں واقع ہے اور اسے Cologne Central کے نام سے جانا جاتا ہے- یہ اپنے جدید انفراسٹرکچر اور منفرد ڈیزائن کی بدولت ملک بھر میں مشہور ہے لیکن باہر کی دنیا میں بسنے والے کم ہی لوگ اس سے واقف ہیں- اس مسجد کی چھت اور دیواریں شیشے کی مدد سے تیار کردہ ہیں-

Lala Mustafa Pasha Mosque
شمالی قبرص میں واقع یہ مسجد حقیقی طور پر ایک گرجا گھر تھا- لیکن 1571 میں عثمانی دور کے دوران اسے مسجد میں تبدیل کر دیا گیا- تاہم آج بھی اس مسجد کی عمارت میں گوتیک طرزِ تعمیر کے عناصر برقرار ہیں-

Emin Mosque
یہ مسجد چین میں واقع ہے اور اسے سلیمان بادشاہ نے 1779 میں تعمیر کروایا تھا- یہ مسجد مٹی سے تعمیر کردہ ہے- اس مسجد کے مینار پورے چین میں سب سے بلند ہیں اور ان کی بلندی 44 میٹر ہے- تاہم اسے عوام کے لیے بند کردیا گیا ہے اور یہ چینی حکومت کی تحویل میں ہے-

Zagreb Mosque
یہ انوکھے ڈیزائن کی حامل مسجد کروشیا میں واقع ہے- یہ اس ملک کی سب سے بڑی مسجد بھی ہے- یہ مسجد 1987 میں تعمیر کی گئی تھی اور اس مسجد کا حیرت انگیز ڈیزائن ڈاکٹر احمد سماجلوک کے دماغ کی کاوش ہے-

Great Mosque of Touba
سینیگال میں واقع یہ خوبصورت مسجد شیخ احمدو بامبا نے 1926 میں تعمیر کروائی تھی- یہ مسجد اسلامی شہر طوبہ کا مرکز ہے- یہ مسجد فرانسیسی دور کے دوران تعمیر کروائی گئی اور اس وقت یہ مسلمانوں کی ایک بڑی کامیابی تھی-

Great Mosque of Xian
یہ مسجد چین میں 742 عیسوی میں تعمیر کی گئی تھی- اس کے آرکٹیکٹ مسلمان تھے جبکہ یہ مسجد 12 ہزار اسکوائر میٹر کے رقبے پر پھیلی ہوئی ہے- یہاں قدیم زمانے سال سے تعلق رکھنے والے ہاتھ سے لکھے گئے قرآن پاک بھی رکھے گئے ہیں-

Banya Bashi Mosque
بلغاریہ میں واقع یہ مسجد 1576 میں عثمانی دورِ حکومت میں تعمیر کی گئی تھی- یہ مسجد قدرتی گرم پانی کے چھوٹے چشموں پر تعمیر ہے اور آپ اس مسجد کے نزدیک بھاپ کا اخراج ہوتا ہوا بھی دیکھ سکتے ہیں-