Ajh Kal Kuch Asa Haal Hay
Kay,,,Zamanay Kay Andaaz Kuch Yun Badal Gaye Ju Thay Kamzor Wo Agay Nikal
Gaye.Insaan Bhee Mosamon Ki Tra Badalta Hay Andaaz Badalta Hay Ju Asa Nahi Karta
Wo Pechay Reh Jata Hay Or Zamana Agay Bar Jata Hay.Kehtay Hein Kay Agar Aap
Trafic Kay Sath Apni Garee Ki Raftaar Ko Hum Ahang Kar Lo Tu Accident Ka Khadsha
Kam Say Kam Hu Jata Hay.Isi Tra Mosam Kay Hisabh Say Khuraak Or Laibaas Badal Lo
Tu Beemaar Hunay Ka Khatra Kam Hu Jata Hay.Isi Trah Agar Tarfic Constebal Ko 100
Ka Note Or Sargent Ko 500 Ka Note De Du Tu Chalaan Napaied Hu Jata Hay Balkay
Dono Ap Ko Asa Salute Marein Gay Jasay Aap Ssp Police Hun.Isi Tra Agar Aap
Daftar Mein Mulazim Hein Tu Boss Ko Dekh Kar Zaat Paat Zubaan Badaltay Rehiye Ap
Boss Ki Ankh Ka Tara Or Daftar Ka Rajh Dulara Rahein Gay Yeni Boss Agar Pathan
Hay Tu Ap Bhee Naam Say Qureshi Huta Kar Khan Laga Lijiye Wo Ansari Hay Tu Ap
Bhee Ansari Laga Lijiiye Wo Jasay Bhee Fazool Laibaas Pehnay Ap Uss Ki Taqleed
Kijiye Or Rozana Subah 4 Kg Jhooty Tareef Kijiye Han Agar Ap Ka Boss Nahi Hay
Balkay Aap Ki Boss Hay Tu Laibaas Ki Taqleed Mein Zara Ehtiaat Kijiye Ga Werna
Aap Bilo Rani Laghu Gay Han Baqi Uss Ki Tareef Mein Koi Qasar Naa Utha Rakhiye
Ga Khas Kar Uss Ki Omar Kam Se Kam 11 Saal Kam Bataiye Ga Beity Hu Tu Kehiye
Mein Samjha Ap Ki Behan Hay Balkay Yun Bhee Kehsktay Hein Eray Sachi Ye Ap Kay
Bachay Hein Mein Tu Ap Ko Bilkul Gher Shadi Shuda Samajh Raha Tha .Laghta Hay Ap
Nay Bahut Choty Omar Mein Hee Shadi Kar Li Hu Gee Ya Karwa Dee Gai Hu Gee.Agar
Aap Shadi Shuda Hein Or Chahtay Hein Kay Aap Ki Bachi Khuchi Izat Qaim Rahay Or
Koi Bhee Aap Ko Hakoomat E Waqt Ki Tra Har Roz Tanay Na Dey Tu Aap Apni Bv Say
Zaydah Saas Ka Khiyaal Rakhein Jabh High Command Sey Ap Kay Relation Theek Hun
Gay Tu Koi Ye Nahi Kahay Ga Kay Aap Or Establishment Ek Page Par Nahi Hein Aap
Nay Kabi Bhee Saas Par Ye Zahir Nahi Karna Kay Wo Kitni Zehar Hein Aap Ki Nazar
Mein,,,, Werna Aap Ka Wo Hashar Hu Ga Baat Tu Ajeeb Hay Magar Sach Hay Kay Shadi
Shuda Insaan Na Ghar Ka Naa Hi Daftar Ka.Or Agar Ap Ek Ghareeb Say Mamoli Insaan
Hein Tu Befiqar Hu Kar Meri Tra Zendeghi Guzzariye Qun Kay Iss Mulk Mein
Sakoon,Izat,Doulat,Shohrat,Bijli,Pani,Dawaiee Or Sawaree Hum Jasun Kay Naseebun
Mein Nahi,,,,,Baqi Nuskhay Aghlay Article Mein Arz Karun Ga.