میرے قرآن پاک پڑھانے والے استاد جی نابینا ہیں پر علم والے ہیں

(Umer, Karachi)
میرے قرآن پاک پڑھانے والے استاد جی نابینا ہیں پر علم والے ہیں
وہ بچوں میں پھل بانٹ رہے تھے کہ ایک بچہ بار بار لائن میں چلا آتا میں یہ منظر کافی دیر سے دیکھ رہا تھا
اب میں جو کافی دیر سے یہ تماشا دیکھ رہا تھا نہ جانے کونسی غیبی طاقت نے میرے قدم جکڑ رکھے تھے ورنہ میں اس بچے کو ضرور ایسا کرنے سے منع کرتا کیوں کہ باقی بچوں کے ہاتھوں میں ایک ایک فروٹ تھا پر وہ کمزور سا چڑیا جیسا بچہ اچھے خاصے آم اور تربوز اپنے تھیلے میں ڈال چکا تھا
اور حیرانگی مجھے اس بات پر بھی ہوئی کہ استاد جی کے پاس اگر دوبارہ کوئی بچا آتا جو پہلے لے جا چکا ہو تو استاد جی اسکے گال کھینچتے اور بھگا دیتے
پر اسے نہ جانے کیسے نہیں پہچان پا رہے تھا یا وہ کیسے چکمہ دے جاتا تھا جب کہ آج تک مجھ جیسا بھگوڑا انہیں چکمہ نہیں دے پایاتھا
خیر دل میں ایک عجیب سی خوشی بھی تھی کوئی تو ہے جس سے استاد جی چکمہ کھا گۓ..
خیر جب فروٹ ہضم تماشا ختم ہوگیا تو میں استاد جی کے پاس چلا گیا جو اپنے گھر کی طرف واپس جا رہے تھے میں نے راستے میں ہی انکو آ لیا اور کہنے لگا ..
" بادشاہ لوگو میرا حصّہ کہاں ہے ابھی اتنا بڑا تو نہ ہوا میں ..."
استاد جی مسکراۓ اور کہنے لگے ..
" میرے نالائق پتر پھل تو محنت کرنے والوں کو ملتا ہے تماشے دیکھنے والے خالی ہاتھ ہی رہ جاتے ہیں تیری طرح ..."
خیر میں انکے ساتھ چلتا رہا آج شاید انہیں تنگ کرنے کا ارادہ بن رہا تھا میرا ..
" ارے استاد جی بہت افسوس کی بات ہے ایک چھوٹا سا بچہ آج ہاتھ کر گیا آپکے ساتھ ."
کونسا بچہ ؟؟ اچھا کہیں تو اس چڑیا کی تو بات نہیں کر رہا جو ہاتھ میں بورا لئے بار بار گھوم کر آرہا تھا اپنا حصّہ وصول کرنے ؟؟
میں نے ایک نظر استاد جی کی طرف دیکھا اور سوچا یار یہ واقعی آنکھوں سے نہیں دیکھ سکتے کیا ؟
جی استاد جی اسی کی بات کر رہا ہوں
" نہیں پتر وہ چکمہ نہیں دے رہا تھا میں چکمہ کھا رہا تھا.
یہ جو باقی بچے تھے نا خود ہی آم چوپتے اور پھر گھر والوں کے ساتھ بیٹھ جاتے ہیں
پر اس بچے کو اپنے گھر والوں کا خیال تھا یہ جو پیچھے جھگیاں ہیں نا وہاں سے آتا ہے یہ اور میں روز اس سے دھوکہ کھاتا ہوں اب تو کچھ نشہ سا لگ گیا ہے ..
پتر کبھی ایسے بچوں سے دھوکہ کھا کر دیکھ تیری پریشانیاں کیسے دھوکہ کھا کر تجھ سے راستہ بدل لیں گی تو سوچ بھی نہیں سکتا ..
کیا یہ دھوکہ ہم نہیں کھا سکتے...؟؟؟
Comments Print Article Print
 Previous
NEXT 

YOU MAY ALSO LIKE:

Load More Articles
Recent Featured Articles
صرف ایک کام اور 48 گھنٹے میں آرام، گردن اور کمر میں تکلیف دہ درد میں آرام کے لیے یہ آسان گھریلو طریقے آزمائیں
اگر آپ کا بچہ بھی دودھ نہیں پی رہا تو یہ وجہ ہوسکتی ہے، منہ میں فنگس کیسے داخل ہوتا ہے؟ جانیں
کورونا ويکسين: پاکستان سمیت کس ملک ميں کتنے لوگوں کو ٹيکے لگ چکے ہيں؟
ٹوتھ برش پر ٹوتھ پیسٹ بھی ملازم لگائیں گے، شاہی خاندان کے ملازموں کے لیے ایسے 6 قوانین جن پر عمل نہ کرنے کی صورت میں ان کی نوکری بھی جا سکتی ہے
میں نے سنا تم کو نوکری مل گئی ہے، بہت مبارک ہو لیکن-- وہ 7 نشانیاں جو لوگوں کے اندر موجود حسد کا راز آپ پر کھول دیں
View all Featured Articles
Most Viewed (Last 30 Days | All Time)
26 Feb, 2017 Views: 4647

Comments

 آپ کی رائے
بہت اچھا لکھا۔ لیکن جو علم استاد جی کے پاس ہے اس کی چاہت اور حاصل کرنے والے بہت کم ہیں۔
By: Qadeer Ahmed, Jubail on Mar, 28 2017
Reply Reply
0 Like
zabrdast article....... stay blessed!!!
By: Faiza Umair, Lahore on Feb, 27 2017
Reply Reply
1 Like