ذرا ایک نظر ادھر بھی

رمضان کی آمد آمد ہے۔۔۔۔۔۔لوگوں کے چہرے خوشیوں کے مارے کھل اٹھتے ہیں ۔۔۔۔۔۔۔۔۔ ہر طرف خوشیاں خوشیاں دیکھنے کو ملتی ہیں۔۔۔۔۔۔۔ مسجدیں پہلے سے زیادہ آباد نظر آتی ہیں ۔۔۔۔۔۔دسترخوان پہلے سے زیادہ وسیع ہونے لگتے ہیں ۔۔۔۔۔۔۔ سحری میں خصوصی اہتمام اور افطار کا سہانا منظر بڑا دیدنی ہوتا ہے۔۔۔۔۔۔قسم قسم کے پکوان دسترخوان کی زینت ہوتے ہیں۔۔۔۔۔۔پھل فروٹ اس کی خوب صورتی میں مزید چار چاند لگا دیتے ہیں۔۔۔۔۔۔۔ فالودہ، آئس کریم اور روح افزا تو ذہن و دل بڑی فرحت بخشتے ہیں ۔۔۔۔۔۔

غرض ہر آدمی اپنی وسعت کے مطابق ہر طرح کا انتظام کرتا ہے۔۔۔۔۔۔۔۔ ایسے میں ہماری گذارش ہے تھوڑا پڑوسیوں کا بھی جائزہ لے لیا کریں کہ وہ کس حال میں ہیں ۔۔۔۔۔۔۔۔۔ اچھے حال میں ہوں پھر بھی جو بھی پکائیں اس میں تھوڑا انھیں بھجوادیا کریں۔۔۔۔۔۔۔اس سے باہمی الفت و محبت پروان چڑھے گی۔۔۔۔۔۔۔۔ایک دوسرے کے دل سے کینہ دور ہوگا۔۔۔۔۔۔۔۔ہمدردیاں موجیں ماریں گی۔۔۔۔۔۔۔۔اور واقعی ضرورت مند تب تو پہلے اسے دینا زیادہ ہی ثواب ہے۔۔۔۔۔۔۔ہر طرح سے اس کی امداد کریں۔۔۔۔۔۔۔۔ اگر وہ زکات کا مستحق ہے تو اسے دینا اولیٰ ہے۔۔۔۔۔۔۔۔۔اپنے غریب اور نادار رشتہ داروں کا بھی خیال رکھیں ۔۔۔۔۔۔۔ اور ہر طرح سے ان کی دل جوئی کرنے کی کوشش کریں۔۔۔۔۔

الله تعالیٰ اس کے صدقے آپ کی دنیاوی و اخروی ضروریات پوری فرمائے گا۔۔۔۔۔۔۔۔

خدائے پاک ہمیں نیک اعمال کرنے کا جزبہ عطا فرمائے ۔۔۔۔۔۔۔ آمین