قدرتی دنیا کے چند خوفناک چہرے

ہماری قدرتی دنیا بہت سے عجائبات سے بھرپور ہے- اس دنیا میں جہاں ایک جانب بےپناہ حُسن اور دلکشی پائی جاتی ہے وہیں دوسری طرف کئی ایسے خوفناک مناظر بھی موجود ہیں جو عام دنیا کی نظروں سے اوجھل ہیں- ہم یہاں چند ایسی تصاویر اور ان کے بارے میں مختصر تفصیل پیش کر رہے ہیں جس پر نظر ڈالنے کے بعد آپ نے خود اس بات کا فیصلہ کرنا ہے کہ کیا واقعی یہ قدرتی دنیا کے چند خوفناک چہرے ہیں؟

برف میں جمی یہ لومڑی ایک منجمد جھیل میں ڈوب گئی تھی جسے بعد میں باہر نکالا گیا اور لوگوں کے لیے انتباہ کے طور پر چھوڑ دیا گیا تاکہ وہ برف سے دور رہیں-

زمین سے ابھرنے والی یہ عجیب و غریب کھمبی (Fungus) صرف دیکھنے میں خوفناک ہے٬ تاہم اس کا نام Devil's Finger Fungus رکھا گیا ہے-

یہ کیڑا مچھلی کے منہ میں داخل ہو کر اس کی زبان کھانے سے قبل اس کے گلپھڑے توڑ دیتا ہے اور ان کی جگہ خود بیٹھ جاتا ہے-

ایک عجیب و غریب چھپکلی جس کی دم پر بھی ایک پاؤں موجود ہے-

سانپ پرندے کی چونچ کو جکڑ کر اپنی اجارہ داری قائم کیے ہوئے ہے تاکہ وہ اسے اپنی خوراک نہ بناسکے-

سیپی جو کہ ایک چھوٹے سے کیکڑے پر مشتمل ہے-

wind chimes کے گرد شہد کی مکھیوں نے اپنا چھتہ بنا رکھا ہے جبکہ دوسری تصویر میں بجلی کے ساکٹ کے پیچھے سے شہد خارج ہوتے ہوئے دیکھا جاسکتا ہے کیونکہ یہاں بھی چھتہ موجود ہے-