دنیا بھر کے شہروں کی طرح پاکستان کے سب سے بڑے شہر کراچی میں بھی کورونا وائرس بے قابو ہورہا ہے اور روزانہ کی بنیاد پر آئے روز کیسز میں اضافہ دیکھنے میں آرہا ہے۔
کراچی کے انڈس اسپتال کے کووڈ 19 وارڈ میں فرنٹ لائن ڈاکٹرز، نرسز اور پیرا میڈیکل اسٹاف دن رات کورونا کے مریضوں کا علاج کرنے میں مصروف ہیں۔
انڈس اسپتال کی ڈاکٹر سیدہ عائشہ کا کہنا ہے کہ ہر گزرتے روز کورونا کے مریضوں میں اضافہ ہورہا ہے اور جبکہ طبی عملے کو بھی وسائل کی کمی کا سامنا ہے۔
ڈاکٹروں کی جانب سے اظہارِ تشویش کے باوجود شہر میں لاک ڈاؤن میں نرمی کر دی گئی اور یہ انتہائی سنجیدہ بات ہے۔
اس مشکل صورتحال کے پیشِ نظر ڈاکٹر اور نرسز اسپتال میں کس طرح اپنی ڈیوٹی سر انجام دے رہی ہیں دیکھیں اس ویڈیو میں۔