محکمہ موسمیات کی جانب سے کراچی کے شہریوں کو خبردار کرتے ہوئے ہیٹ ویو کی لہر دوبارہ آنے کی پیش گوئی کر دی گئی ہے۔
محکمہ موسمیات کے مطابق بروز کل 17 مئی سے معتدل درجے کی ہیٹ ویو کراچی کا رخ کرے گی، 17 سے 21 مئی تک درجہ حرارت 39 سے 41 ڈگری تک جا سکتا ہے، اس دوران سمندری ہوائیں بھی معطل رہیں گی۔
محمکہ موسمیات کا کہنا ہے شہرِ قائد میں آج موسم گرم اور خشک رہے گا، شہر کا موجودہ درجہ حرارت 31 ڈگری سینٹی گریڈ ہے، جبکہ زیادہ سے زیادہ درجہ حرارت 36 سے 38 ڈگری سینٹی گریڈ رہنے کا امکان ہے، ہوا میں نمی کا تناسب 58 فیصد ہے۔
