کپڑوں کا کلر اور ڈیزائن ہم دونوں مل کر پسند کرتے ہیں اور پھر ۔۔۔ ایک جیسے لباس پہننے والے میاں بیوی کے چرچے جانیں ان کے حوالے سے چند دلچسپ باتیں

میاں بیوی کی محبت کے چرچے تو آپ نے بہت سنے ہوں گے مگر ازدواجی زندگی کی بہترین محبت کی مثال قائم کی ہے فیصل آباد سے تعلق رکھنے والے اس جوڑے نے۔
تفصیلات کے مطابق:
فیصل آباد سے تعلق رکھنے والے مسٹر اینڈ مسز ناصر جن کی شادی کو 38 سال ہوگئے ہیں ان کے تین بچے بھی ہیں۔ یہ دونوں شادی کے ایک سال کے بعد ہی سے ایک جیسے کپڑے پہنتے ہیں۔
ایک ہی رنگ اور ایک ہی ڈیزائن کے کپڑے پہننے والا یہ انوکھا جوڑا ہے۔ یہ دونوں آپس میں مل کر رنگ اور ڈیزائن کا انتخاب کرتے ہیں اور پھر کپڑوں پر کڑھائی یا کندن کا کام کرنے کے لئے آرڈر دیتے ہیں۔
ان کی ازدواجی زندگی شروع ہی سے پیار محبت بھری ہے۔ دونوں ہر بات ایک دوسرے کو بتاتے ہیں۔ آجکل ان دونوں میاں بیوی کے سوشل میڈیا پر خوب چرچے ہیں۔