آپ جب اکثر گھر پر اکیلے ہوتے ہیں تو کبھی کبھار اپنے ساتھ کسی کی موجودگی بھی محسوس کرتے ہوں گے یا پھر کسی دوسرے کمرے میں سایہ دکھنے یا چیزیں ہلنے کی آواز سے بھی آپ کی جان ہلق تک آجاتی ہے۔
گزشتہ چند دنون سے سوشل میڈیا پر ایک تصویر وائرل ہورہی ہے، گھر میں موجود شخص کا کہنا تھا کہ اس کے کچن سے عجیب سی آواز آرہی تھیں اسی اثنا اس نے ایک خوفناک شکل دیکھ لی جسے دیکھ کر اس نے وہاں سے بھاگنے میں ہی بھلائی سمجھی۔
مذکورہ شخص کے مطابق دروازے کے پیچھے چھپی ہوئی ایک عجیب سی شخص کو دیکھ کر وہ حیرت زدہ رہ گیا اور اسے وہاں رہتے ہوئے اپنی زندگی مشکل میں دکھائی دی اور فلیٹ سے باہر بھاگا۔
مذکورہ تصویر پہلے سوشل میڈیا ویب سائٹ ٹوئٹر پر پوسٹ کی گئی اور اب دوسرے سوشل میڈیا پلیٹ فارمز پر اسے بڑے پیمانے پر شئیر کیا جارہا ہے جس دیکھ کر لوگ خوفزدہ ہورہے ہیں اس کیپشن کے ساتھ میرے باورچی خانے سے نلکوں اور شور کی آوازوں کے بعد میں نے تصویر کھینچی اور اسے دیکھا۔
مذکورہ شخص نے لکھا کہ وہ فلیٹ میں تین دوستوں کے ہمراہ موجود تھا لیکن جب تصویر کھینچی گئی تو وہ گھر میں اکیلا تھا اور باورچی خانے میں عجیب و غریب آہٹ سنائی دے رہی تھی۔
سوشل میڈیا صارفین کا کہنا ہے کہ کسی نے مذاق کیا ہے یہ یا اس شخص نے تصویر اچھی طرح سے ایڈٹ کی ہے تاکہ سوشل میڈیا پر یہ تصویر وائرل ہوسکے۔