لاہور میں دہشتگردی کا منصوبہ ناکام، سی ٹی ڈی لاہور نے 5 دہشتگردوں کو گرفتار کر لیا۔
تفصیلات کے مطابق لاہور سی ٹی ڈی نے بر وقت کاروائی کر کے لاہور کو بڑی تباہی سے بچا لیا، لاہور سی ٹی ڈی نے شاہدرہ سے کالعدم تنظیم کے 5 دہشت گرد گرفتار کر لیے۔
دہشت گردوں کے خلاف کارروائیوں کے لیے شہرت رکھنے والے کاؤنٹر ٹیررزم ڈیپارٹمنٹ کے ترجمان کے مطابق دہشتگردوں نے لاہور سول سول سیکرٹریٹ کو دہشتگردی کا نشانہ بنانے کا منصوبہ بنا رکھا تھا، گرفتار دہشتگردوں کے قبضے سے دستی بم، اسلحہ، افغان کرنسی، موبائل فون، حساس مقامات کی ویڈیوز بھی برآمد ہوئی ہیں۔
سی ٹی ڈی کی ابتدائی تحقیقات کے مطابق گرفتار دہشت گردوں کو بھارتی خفیہ ایجنسی ’را‘ کے آفیسر نے جلال آباد میں ملاقات کے دوران فنڈنگ کی تھی جبکہ یہ دہشت گرد 2 ماہ پہلے افغانستان سے پاکستان آئے تھے۔
سی ٹی ڈی نے گرفتار دہشت گردوں کے خلاف مقدمہ درج کرلیا ہے۔