عالمی وباء کورونا واٸرس کی دوسری لہر کے دوران کٸی نامور شخصیات میں اس موذی مرض کی تشخیص ہوئی ہے۔
وہیں اب معروف عالم دین و مذہبی اسکالر مولانا طارق جمیل میں کووڈ انیس کی تصدیق سامنے آگٸی ہے۔
مولانا طارق جمیل نے یہ بات سماجی رابطے کی ویب سائٹ فیس بک پر بتاتے ہوئے کہا کہ وہ اس وقت ہسپتال میں زیر علاج ہیں۔
انہوں نے بتایا کہ گزشتہ چند دنوں سے طبعیت ناساز تھی اور کورونا ٹیسٹ کروانے پر نتیجہ مثبت آیا، جس کے بعد ڈاکٹروں کے مشورے سے وہ ہسپتال میں زیر علاج ہیں۔