ثانیہ مرزا اور ان کا بیٹا آج کل کیا کر رہے ہیں؟

کرکٹر شُعیب ملک اور ان کی ٹینس اسٹار بیگم ثانیہ مرزا کے چاہنے والے نہ صرف پاکستان بلکہ بھارت میں بھی ہیں۔ اور ان کی جانب سے کی جانے والی ہر سرگرمی کی خبر سوشل میڈیا پر خوب وائرل ہوتی ہے۔

گذشتہ روز ثانیہ مرزا کی اپنے بیٹے اذہان مرزا ملک کے ساتھ گھر کی صفائی کی ویڈیو خوب وائرل ہوئی۔ جس کو ثانیہ نے اپنے انسٹاگرام کی اسٹوری پر شیئر کیا تھا۔ جیسے ہی اسٹوری شیئر کی اس پر مداحوں کیا جانب سے لاکھوں لائکس اور ہزاروں پیار بھرے پیغامات بھی آئے۔

ویڈیو میں اذہان اپنے ویکیوم کلینر کھلونے سے گھر کی صفائی کر رہے ہیں جس پر ثانیہ نے کیپشن لکھا : '' اذہان گھر واپس آ کر صفائی کرنے میں مصروف ہیں'' ۔

انہوں نے ایک اور ویڈیو بھی شیئر کی جس میں اذہان اور ان کی خالہ انعم مرزا بالی ووڈ کے پنجابی گانے پر ڈانس بھی کرتے دکھائی دیئے۔