سندھ حکومت نے صوبہ بھر کے تمام دینی مدارس میں فوری تعلیمی سرگرمیاں بند کرنے کا حکم جاری کر دیا۔
تفصیلات کے مطابق سندھ حکومت نے عالمی وبا کے بڑھتے کیسز کے باعث صورتحال کو کنٹرول میں لانے کے لئے مدارس کی تعلیمی سرگرمیوں سے متعلق اہم فیصلہ کیا ہے، سندھ حکومت نے دینی مدارس میں فوری تعلیمی سرگرمیاں بند کرنے کا حکم دے دیا۔
محکمہ داخلہ سندھ کی جانب سے مدارس بند کرنے کا نوٹیفکیشن بھی جاری کر دیا گیا ہے، جس میں مدارس انتظامیہ کو مدارس بند کرنے کے حوالے سے احکامات جاری کیے گئے ہیں۔
یاد رہے کہ ملک بھر میں کورونا وائرس کی دوسری لہر دن بہ دن شدّت اختیار کر رہی ہے جس کے پیشِ نظر ملک بھر میں 26 نومبر سے 10 جنوری تک سرکاری، نیم سرکاری اور نجی تعلیمی ادارے بند ہیں، تاہم اب مدارس بند کرنے کا بھی حکم جاری کر دیا گیا ہے۔