گزشتہ روز پی ایس ایل چھ کے ایک پروگرام میں پاکستان کے معروف شخصیت ساحر لودھی اور اُن کی ہمشیرہ ڈاکٹر شائستہ لودھی نے شرکت کی، دونوں مہمانانِ گرامی نے میزبان بھرپور سوالات کے جوابات دیے۔
میزبان کی جانب سے سوال کیا گیا کہ آپ دونوں میں بڑاکون ہے جس پر ساحر لودھی نے جواب دیا کہ ویسے تو عمر میں میں بڑا ہوں لیکن گھر میں سب کے لیے بڑی یہ ہیں وہ اس لیے کیونکہ گھر میں ہر کوئی ان کی بات مانتا ہے۔ اسی پر ان کی بہن شائستہ لودھی نے کہا کہ ساحر بھی والدہ کے لاڈلے ہیں جبکہ انہیں گھر والے اتنا زیادہ پسند نہیں کرتے۔
پروگرام ہوسٹ نے ساحر سے سوال کیا کہ آپ شائستہ سے کتنے سال بڑے ہیں جس پر انہوں نے کہا کہ پانچ سال بڑا ہوں۔
میزبان نے مہمانوں سے پوچھا کہ آپ دونوں میں سے میڈیا میں کون کس کو لایا ہے جس ساحر لودھی نے کہا کہ شائستہ نے میڈیا میں مجھے متعارف کروایا ہے۔
ایک سوال کا جواب دیتے ہوئے شائستہ لودھی نے کہا کہ انہیں ابھی مزید پڑھنا ہے اور وہ اپنی شرائط پر مارننگ شو کرنا چاہتے ہیں۔ شائستہ لودھی نے اپنے بھائی کو کام کے معاملے میں خود سے زیادہ مخلص قرار دیا۔