ملک کے مختلف حصوں میں آج بارش جبکہ بالائی علاقوں میں برفباری کا امکان، محکمہ موسمیات نے پیش گوئی کر دی۔
تفصیلات کے مطابق محکمہ موسمیات کا کہنا ہے وفاقی دارالحکومت اسلام آباد میں آج موسم سرد اور مطلع جزوی ابر آلود رہنے کے ساتھ ہلکی بارش کا امکان ہےجبکہ بالائی خیبر پختونخوا، گلگت بلتستان، کشمیر اور ملحقہ پہاڑی علاقوں میں مطلع ابر آلود رہنے کے ساتھ ہلکی بارش اور برف باری کا امکان ہے۔
محکمہ موسمیات کے مطابق پنجاب کے میدانی علاقوں میں دھند چھائی رہے گی جبکہ ملک کے دیگر علاقوں میں موسم سرد اور خشک رہے گا۔
تاہم دیر، چترال، کوہستان، مالاکنڈ، مردان، بونیر، پشاور، کرم، سوات اور مانسہرہ میں بھی ہلکی بارش اور برفباری کا امکان ہے۔
دوسری جانب سندھ اور بلوچستان کے بیشتر علاقوں میں موسم خشک رہے گا۔