ایرانی حکومت نے سپریم لیڈر آیت اللہ علی خامنہ ای کی آخری رسومات کے حوالے سے عام تعطیل اور یومِ سوگ کا اعلان کر دیا ہے،ترجمان کے مطابق 6 جولائی کو ملک بھر میں عام تعطیل ہوگی جبکہ 8 جولائی کو یومِ سوگ منایا جائے گا۔
رپورٹس کے مطابق ایران کی اعلیٰ قیادت کی جانب سے سرکاری سطح پر ان اعلانات کے ساتھ عوامی اجتماعات اور خصوصی تقریبات کی تیاری بھی جاری ہے۔
دوسری جانب ذرائع کا کہنا ہے کہ وزیراعظم شہباز شریف جولائی کے پہلے ہفتے میں ایران کا دورہ کریں گے اور نمازِ جنازہ میں شرکت بھی کریں گے جس کے بعد ان کے ترکیہ جانے کی بھی اطلاعات ہیں۔ چیئرمین پیپلز پارٹی بلاول بھٹو زرداری کی شرکت کا بھی امکان ظاہر کیا جا رہا ہے جبکہ ایرانی پارلیمنٹ کے اسپیکر محمد باقر قالیباف نے اسپیکر قومی اسمبلی سردار ایاز صادق کو خط لکھ کر شرکت کی دعوت دی ہے۔