کچھ روز قبل اداکار یاسر حسین نے میزبان واسع چوہدری کے پروگرام میں شرکت کی جس میں ان سے سوال کیا گیا کہ کیا آپ کی شادی میں کوئی مہمان بن بلائے بھی آیا تھا؟

سوال کا جواب انتہائی متنازع تھا جس میں انہوں نے اداکارہ نوشین شاہ کا نام لیتے ہوئے کہا کہ ہاں یہ ہماری شادی پر بغیر دعور دیے آئی تھیں۔ یاسر کے اس انکشاف نے جہاں اداکاروں کو حیرانی میں مبتلا کیا وہیں سوشل میڈیا صارفین بھی دنگ رہ گئے کہ یاسر اخلاقیات کے خلاف جا کر کسی کا نام ٹی وی پر کیسے لے سکتے ہیں؟

تاہم مداح یقیناً اس بات سے خوش نہیں جس کی وجہ سے اداکار کو شدید تنقید کا سامنا کرنا پڑ رہا ہے۔ صارفین یاسر حسین کی اس حرکت کو انتہائی شرمناک قرار دے رہے ہیں۔

دوسری جانب اداکارہ نوشین شاہ نے کسی قسم کا واضح بیان دینے سے گریز کیا ہے جبکہ اشاروں کناروں میں انسٹاگرام پر اسٹوری ضرور شئیر کی۔

مداحوں کی طرف سے تنقید کا سامنا کرنے کے باوجود یاسر حسین خاموش نہ ہوئے اور انسٹاگرام پر اسٹوری شئیر کرتے ہوئے مزید وضاحت دی۔

یاسر حسین نے کہا کہ میں نے سب سچ کہا ہے، کچھ لوگ زبردستی آئے تھے اور یہ ہی حقیقیت ہے، دیکھیں اداکار کا مزید کیا کہنا تھا۔

کیا یاسر حسین نے درست کیا؟ ہمیں اپنی قیمتی رائے سے آگاہ کرنا ہرگز نہ بھولیے گا، ہماری ویب کے فیسبک پیج پر لازمی کمنٹ کریں۔