کراچی میں ایک بار پھر لوٹ مار کی وارداتیں بڑھ گئیں، شادی کی تیاری کرنے والی فیملی کو ڈاکوؤں نے لوٹ لیا۔
تفصیلات کے مطابق کراچی کے پوش علاقے ڈیفنس خیابان محافظ میں ڈاکوؤں نے گاڑی رُکوا کر شادی کی تیاریاں کرنے والی فیملی سے اسلحے کے زور پر قیمتی زیورات اور نقدی چھین لیا۔
ڈاکوؤں نے سُنسان روڈ پر کار میں سوار فیملی کو روک کر ان سے 120 تولے سونا، نقدی اور موبائل فونز لوٹ کر فرار ہو گئے۔
گزشتہ شب پیش آنے والے واقعے کی سی سی ٹی وی فوٹیج بھی منظرِ عام پر آگئی ہے۔