اسلام آباد کے اسکول میں گرمی کی شدت سے طلباء بے ہوش ہونے لگے۔
ذرائع کے مطابق اسلام آباد میں لوڈ شیڈنگ کے باعث شدید گرمی میں بچے اسکول میں پڑھنے پر مجبور ہیں۔ اس لوڈ شیڈنگ اور شدید گرمی سے کئی بچے بے ہوش ہوگئے ہیں۔
سماجی رابطے کی ویب سائٹ ٹوئیٹر پر صارفین کی جانب سے تصاویر شیئر کی گئیں جس میں دیکھا جا سکتا ہے کہ بچے بے ہوش ہیں اور اساتذہ انہیں ہوش میں لانے کی کوشش کر رہے ہیں۔
واضح رہے اسلام آباد کا درجہ حرارت گزشتہ چند دنوں سے 40 ڈگری سے زائد ریکارڈ کیا گیا ہے، جبکہ آج بھی 42 ڈگری ریکارڈ کیا گیا ہے۔