رواں سال حج کے حوالے سے سعودی حکومت کا اہم بیان سامنے آگیا ہے۔
تفصلات کے مطابق سعودی حکومت کی جانب سے عازمین حج کیلئے اہم ہدایات جاری کرتے ہوئے کہا گیا ہے کہ حج کے لیے اسمارٹ کارڈ اور پرمٹ لازمی ہوگی اس کے بغیرحج کرنے کی اجازت نہیں دی جائے گی۔
سعودی میڈیا کے مطابق کورونا وبا سے محفوظ رہنے اور حفاطتی اقدامات کو یقینی بنانے کے لیے سعودی حکومت کی حج اور عمرہ کی وزارت نے تصدیق ظاہر کرتے ہوئے کہ ہے کہ کسی بھی شخص کو اسمارٹ کارڈ اور سرکاری پرمٹ کے بغیر حج کرنے نہیں دیا جائے گا۔
عمرہ و حج کے نائب وزیر ڈاکٹر عبدالفتاح مشاط کا اس حوالے سے کہنا ہے کہ اجازت نامہ یعنی(پرمٹ) الیکٹرانک کارڈ اور حجاج کے آئی ڈی کارڈ کے ساتھ ہوگا اور وزارت کی ویب سائٹ کے علاوہ کوئی دوسرا ذریعہ نہیں جس کے لیے حج کی ایپلیکیشن دائر کی جا سکے۔
ڈاکٹر عبدالفتاح نے کہا کہ اس سال کا حج صرف “ابشر” پلیٹ فارم کے ذریعے اجازت نامے استعمال کرے گا، اور جن افراد نے حج کے پیکجز وزارت کے پلیٹ فارم کے ذریعے خریدے ہیں اس کو ابشر اور ان کی آئی ڈی کے ساتھ لگایا کیا جائے گا۔