شہر قائد میں پیٹرول بحران پیدا ہو گیا۔ شہر کے بیشتر پیٹرول پمپس پر اس وقت لمبی لمبی قطاریں نظر آرہی ہیں جبکہ شہر میں اس وقت کئی پیٹرول پمپس بند بھی ہو گئے ، پیٹرول کی یہ قلت آج حکومت پاکستان کے پیٹرو ل 2 روپے فی لیٹر مہنگا کرنے کے بعد سے پیدا ہوئی ہے اور پیٹرول کے علاوہ ڈیزل کی قیمت میں بھی 1 روپے 44 پیسے فی لیٹر اضافہ کر دیا گیا ہے۔
جبکہ اوگرا کی جانب سے وزیراعظم پاکستان عمران خان کو 6 روپے 5 پیسے فی لیٹر پیٹرول مہنگا کرنے کی تجویز پیش کی گئی تھی جس پر وزیراعظم عمران خان نے پیٹرول 2 روپے مہنگا کرنے کی منظوری دے دی۔
واضح رہے کہ 15 جون کو بھی پیٹرول کی قیمت میں 2 روپے 13 پیسے، لائٹ ڈیزل کی قیمت میں 2 روپے 3 پیسے اور ہائی اسپیڈ دیزل کی قیمت میں 1 روپے 79 پیسے اضافہ کر دیا گیا تھا۔