اداکار فیصل قریشی نے دو دن قبل لائیو شو کے دوران ایک ٹک ٹاکر مسکان واحد کو نامقعول حرکت کرنے پر ڈانٹ دیا تھا جس پر سوشل میڈیا پر خوب ٹرالنگ ہوئی، کسی نے ان کی تعریف کی تو کسی نے کہا کہ لائیو شو کا خیال کرلیا جاتا، کسی نے کہا کہ بہت اچھا کیا، ان کو کسی نے ڈانٹا، ورنہ یہ لوگ تو پرائم ٹائم میں ٹی وی سکرین پر آکر نہ صرف میڈیا کا معیار گرا رہے ہیں بلکہ بچوں کے اخلاقیاتی رویوں کا بھی بیڑہ غرق کر رہے ہیں۔
سوشل میڈیا پر چونکہ ہیش ٹیگ فیصل قریشی بن چکا ہے اور ہر جگہ ان کو ٹیگ کرکے اچھائی و برائی کے سلسے جاری ہیں۔ جس پر اب فیصل قریشی نے ایک بڑا پیغام اپنی انسٹاگرام سٹوریز پر واضح کیا ہے کہ:
''
کسی کو ڈانٹنے کا مقصد اس کو زلیل کرنا نہیں ہے،
دوسروں کی ٹانگ کھینچنا اور برے رویے رکھنا اب بہت زیادہ عام ہوگیا ہےسوشل میڈیا پر کچھ بھی لکھنے سے پہلے لازمی سوچ لیا کریں۔‘
کہ کیا یہ سچ ہے، کیا یہ دوسروں کیلئے فائدہ مند ثابت ہوگا، کیا یہ پرکشش ہے، کیا یہ اہم ہے، کیا یہ دوسروں کی رہنمائی کا باعث ہوگا۔‘
''
جہاں فیصل قریشی کی مسکان نامی ٹک ٹاکر کو ڈانٹنے کی ویڈیو وائرل ہوئی وہیں اب سوشل میڈیا پر فضیلہ نامی ٹک ٹاکر کو نجی ٹی وی کے پروگرام پر لائیوو ڈانٹنے کی ویڈیو بھی وائرل ہو رہی ہے۔