سعودی عرب کے وزارت داخلہ کی جانب سے ایک اہم اعلان سامنے آیا ہے۔ جس کے مطابق پاکستان سمیت 20 ممالک کے شہریوں پر سفری پابندی ختم کردی گئی ہے۔
جاری کردہ ہدایت نامے کے مطابق مکمل ویکسین لگوانے والے تارکین وطن کو براہ راست سعودی عرب میں داخلے کی اجازت ہوگی۔ تاہم ان غیر ملکیوں جن کے پاس سعودی عرب کا رہاشی اجازت نامہ یعنی اقامہ ہوگا وہ بھی براہِ راست سعودی عرب میں داخل ہوسکتے ہیں۔ تاہم ہدایات کے مطابق وہ ہی غیر ملکی براہِ راست داخل ہوسکتے ہیں جو کہ ویکسین کی دونوں خوراکیں لگوانے کے بعد سعودی عرب سے گئے تھے۔
اس اعلان کے بعد سعودی عرب میں پاکستانی سفارت خانے نے سفری پابندی ختم کرنے پر وزارت داخلہ کے اقدام کا خیر مقدم کیا ہے۔ اور بیان میں کہا ہے کہ اس فیصلے سے پاکستانی تارکین وطن کو فائدہ پہنچے گا اور ہم سعودی قیادت کا شکریہ ادا کرتے ہیں۔