امریکی افواج کے انخلاء کے بعد طالبان کی ہیلی کاپٹر اڑانے کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ طالبان کا ایک بڑا قافلہ پنجشیر کی طرف جارہا ہے۔ جبکہ قافلے کے ساتھ ایک ہیلی کاپٹر بھی ساتھ چل رہا ہے۔
ویڈیو میں موجود افراد ہاتھوں کے اشاروں سے اپنی خوشی کا اظہار کررہے ہیں۔ جبکہ ہیلی کاپٹر پر طالبان کا جھنڈا بھی لگا ہوا ہے۔
تاہم سوشل میڈیا پر صارفین اپنی حیرانگی کا اظہار کررہے ہیں۔ بعض کا کہنا ہے کہ ان مناظر پر یقین کرنا بہت مشکل ہے۔ جبکہ کچھ کا کہنا ہے کہ طالبان نے امریکی انخلاء کے ایک دن بعد ہی ہیلی کاپٹر اڑانا سیکھ لیا۔