کراچی کے ساحل پر پھنسے کارگو بحری جہاز کو ڈیڑھ ماہ سے کی جانے والی کوششوں کے بعد بالآخر آج صبح نکال لیا گیا ہے۔ تفصیلات کے مطابق 2 ماہ سے پھنسے کارگو جہاز کو نکالنے میں گڈانی شپ بریکنگ کی ایک کمپنی ایان شپ کا مرکزی کردار رہا ہے۔ تاہم جہاز اب کھلے سمندر میں موجود ہے۔
یاد رہے کہ کارگو جہاز ہینگ ٹونگ 77 جولائی کی 20 اور 21 کی درمیانی شب کو کراچی کی بندرگاہ کی طرف جانے کے دوران لنگر ٹوٹ جانے کی وجہ سے کراچی کے ساحل کلفٹن کے قریب سمندر کی ریت میں دھنس گیا تھا۔
تاہم جہاز کو نکلنے کیلئے کئی مرتبہ کوششیں کی گئیں جن میں سے ہر مرتبہ ناکامی کا سامنا کرنا پڑا تھا۔ جبکہ آج کی گئی کوشش کامیاب ثابت ہوئی۔