آج کے دور میں خواتین مردوں کے شانہ بہ شانہ کھڑی ہیں اور اپنے مستقبل کو سنوارنے کے لئے دن رات محنت بھی کرتی ہیں، آج ہم آپ کو بتانے والے ہیں ایسی ہی ایک پائلٹ خاتون کے بارے میں جنہوں نے لڑکیوں کو پائلٹ بننے کا آسان طریقہ بھی بتایا ہے۔
فضا علی نے اپنے شو ''تاروں سے کریں باتیں'' میں ایک خاتون پائلٹ کو مدعو کیا تاکہ ان کی کامیابی سے متاثر ہو کر لڑکیاں آگے بڑھیں اور اپنے مستقبل کو روشن کریں، خاتون پائلٹ کیسے کامیاب ہوئیں اور پائلٹ کیسے بنیں انہوں نے اس انٹرویو میں سب بتا دیا۔
خاتون پائلٹ نے بتایا کہ وہ میڈیکل کی اسٹوڈنٹ تھیں میڈیکل کی تعلیم انہوں نے والدین کی خواہش پر حاصل کی اور اس کے بعد انہوں نے اپنے والدین سے اپنی خواہش کا اظہار کیا کہ وہ ایک پائلٹ بننا چاہتی ہیں جہاز اُڑانا چاہتی ہیں۔
جس پر ان کے والدین نے ان کی اس خواہش کو سراہتے ہوئے انہیں اجازت دے دی اور انہوں نے فلائنگ کلب جوائن کر لیا، جہاں اس وقت مکمل کورس کی فیس 30 لاکھ تھی۔
انہوں نے ایک مثال قائم کرتے ہوئے نوجوان لڑکیوں کو مشورہ دیا کہ اگر وہ بھی چاہیں تو با آسانی پائلٹ بن سکتی ہیں بس انہیں اپنی تعلیم مکمل کرنے کے بعد یا پھر صرف انٹرمیڈیٹ کرنے کے بعد فلائنگ کلب جا کر اپنا میڈیکل کروانا ہوگا اور پھر وہاں ایڈمشن لے کر جہاز کی اڑان کی تعلیم حاصل کرنی ہوگی اور وہ بن جائیں گے کچھ ہی دنوں میں پائلٹ۔
البتہ اس تعلیم کے لئے فیس زیادہ ہے مگر مستقبل بھی روشن ہے، خاتون پائلٹ نے بتایا کہ اس وقت فلائنگ کلب میں فیس قریب 40 لاکھ ہو سکتی ہیں مگر لڑکیوں کو وہاں جا کر اس کے بارے میں معلومات ضرور لینی چاہیئے اور اپنا شوق پورا کرنا چاہیئے۔