سفید پوشی ایک ایسی غیرت ہے جو کہ انسان کو اپنے بل بوتے پر کچھ کرنے کا جذبہ دیتی ہے، یہ انہی لوگوں میں ہوتی ہے جو کہ ہمت اور حوصلہ رکھتے ہیں۔
ہماری ویب کی اس خبر میں آپ کو بتائیں گے کہ کس طرح ایک بوڑھی دادی سڑک کنارے انگور بیچ کر اپنے گھر کا خرچہ پورا کرنے کی کوشش کر رہی ہے۔
سوشل میڈیا صارف کی جانب سے تصاویر اپلوڈ کی گئیں، جس میں صارف اس دادی کے ساتھ تصاویر بھی بنا رہا تھا اور لوگوں کو اس خاتون کے انگور خریدنے کے لیے بھی کہہ رہا تھا۔
دادی ماں لاہور میں کینال روڈ مغل پورہ ریلوے کراسنگ کے پاس موجود رنگ روڈ پر انگور فروخت کرتی ہیں۔
جب صارف نے دادی ماں سے پوچھا تو دادی نے کہا کہ جب تک سانس ہے، کسی پر بوجھ نہیں بننا چاہتی ہوں۔ آپ بھی دادی ماں کی مدد کر سکتے ہیں، کیونکہ یہ خاتون کسی سے مانگنے کے بجائے خود محنت کر کے اپنے بل بوتے پر کما رہی ہیں۔