لاہور میں یومِ آزادی کی رات کو موٹر سائیکل سوار کی جانب سے رکشہ میں بیٹھی خاتون کے ساتھ نازیبا حرکت کی ویڈیو سوشل میڈیا پر سامنے آئی تھی۔ جس کے بعد سی سی ٹی وی کیمروں کی مدد سے، پولیس ملزمان کو گرفتار کرنے میں کامیاب ہوگئی تھی۔ تاہم اب گرفتار ہونے والے 4 ملزمان کو متاثرہ خاتون نے بھی شناحت کرلیا ہے۔
تفصیلات کے مطابق چاروں ملزمان عرفان، عبدالرحمٰن، ساجد اور عثمان کی شناخت کیمپ جیل لاہور میں کی گئی۔
تاہم متاثرہ خاتون کا کہنا تھا کہ ملزمان مسلسل رکشہ کا پیچھا کررہے تھے اور مسلسل نازیبا جملے بول رہے تھے۔ اسی دوران ساجد نامی ملزم نے چلتے رکشہ پر چڑھ کر نازیبا حرکت کی اور بھاگ گیا۔
رپورٹ کے مطابق چاروں ملزمان کو جیل بھجوا دیا گیا ہے، جبکہ شناخت پریڈ کی رپورٹ مجسٹریٹ کی عدالت میں پیش کی جائے گی، جس کے بعد ملزمان کا جسمانی ریمانڈ لیا جائے گا۔
واضح رہے کہ سوشل میڈیا پر ویڈیو وائرل ہونے کے بعد آئی جی پنجاب نے اس واقعہ کی رپورٹ طلب کی تھی۔