دنیا بھر سے عجیب و غریب اور حیرت انگیز اقسام کی ویڈیوز سوشل میڈیا پر منظر عام پر سامنے آتی رہتی ہیں جن جو دیکھ کر آنکھیں کھلی کی کھلی رہ جاتی ہیں۔
اب ایک اور ایسی ہی خطرناک مناظر پر مبنی ایک ویڈیو بھارت سے سامنے آئی ہے جس میں ایک بچے کو گرم کھولتی ہوئی کڑاہی میں بیٹھا دیکھا گیا۔
ویڈیو میں دیکھا جا سکتا ہے کہ بچے کے اِرد گرد لوگوں کا مجمع لگا ہوا ہے۔
مذکورہ ویڈیو سوشل میڈیا پر اپ لوڈ ہوتے ہی وائرل ہوگئی۔ بچے کی عمر 7 سے 9 سال بتائی گئی ہے جو آگ پر رکھی بڑی کڑاہی میں اُبلتے ہوئے پانی میں ہاتھ جوڑ کر سکون سے بیٹھا ہے۔
بچہ کڑاہی میں کیوں بیٹھا ہے یہ بات معلوم نہیں ہوسکی لیکن بظاہر دیکھ کر ایسا لگتا کہ جیسے یہ کوئی ہندوانہ مذہب کی کوئی رسم نبھائی جا رہی ہو۔
ویڈیو کو اب تک لاکھوں افراد دیکھ چکے ہیں۔ جہاں کئی صارفین اس ویڈیو کو دیکھ کر حیرانگی کا اظہار کر رہے ہیں وہیں بہت سے صارفین اس ویڈیو کو جعلی بھی کہتے دکھائی دے رہے ہیں۔