ہماری ویب ہمیشہ آپ کے لئے کوئی نہ کوئی نئی معلومات لے کر حاضر ہوتی ہے، روایت کو برقرار رکھتے ہوئے آج ایک بار پھر ہم آپ کے لئے لائے ہیں ایسی معلومات جو کر دے گی آپ کو حیران۔

کیا آپ نے کبھی سوچا ہے کہ جہاز میں سگریٹ نوشی پر پابندی کے باوجود اب بھی ‘ایش ٹرے’ کیوں رکھے ہوتے ہیں؟

دراصل متعدد ملکی و غیر ملکی جہازوں پر سالوں پہلے سگریٹ نوشی پر پابندی عائد کردی گئی تھی لیکن اس کے باوجود آج بھی جہازوں میں ایش ٹرے کی موجودگی لوگوں کے ذہن میں سوال کی وجہ بن گئی جس پر سوشل میڈیا پر بھی بحث چھڑ گئی۔

تاہم صارفین کی اس دلچسپی کو بدِ نظر رکھتے ہوئے ایک ائیر ہوسٹس نے اس سوال کا حیرت انگیز جواب دے ڈالا، کائیلی نامی کینیڈین ایئرہوسٹس نے اپنے ٹک ٹاک اکاﺅنٹ پر پوسٹ کی گئی ایک ویڈیو میں بتایا کہ یہ ایش ٹرے سگریٹ نوشی پر پابندی کی خلاف ورزی کرنے والوں کے لیے لگائے گئے ہیں۔

ان کا کہنا تھا کہ فضائی سفر کے دوران سگریٹ نوشی پر پابندی عائد ہونے کے باوجود کمپنیاں جانتی ہیں کہ کچھ لوگ ایسے ہوں گے جو ضرور اس پابندی کی خلاف ورزی کریں گے چنانچہ جو کوئی یہ قانون توڑے، وہ دیگر مسافروں کی جان خطرے میں ڈالنے کی بجائے اس ایش ٹرے کا استعمال کرے۔

اور نہ صرف سگریٹ راکھ اس میں پھینکے بلکہ اگر عملے سے سگریٹ چھپانی پڑ جائے تو ایش ٹرے میں ہی چھپائے، کسی اور جگہ چھپا کر آتشزدگی کا سبب نہ بنے۔

کینیڈا کی ائیر ہوسٹس کے اس پوسٹ پر لاکھوں کی تعداد میں سوشل میڈیا صارفین نے کمنٹ کئے اور بھرپور تبصرے کئے۔