پاکستانی شوبز انڈسٹری کی سینئر اداکار ہلیلیٰ زبیری شوبز کا ایک جانا مانا نام ہے جن کے ڈرامے ایک وقت میں لوگ بہت شوق سے دیکھا کرتے تھے۔ لیلیٰ زبیری ان اداکاراؤں میں سے ہیں جن کے ڈرامے اور فلمیں دیکھنے کے لیے پرانے وقتوں میں بازار بند ہوجاتے تھے۔
مقبول اداکارہ لیلی جنہوں نے دو دہائیوں سے زائد عرصے سے پاکستانی ڈراموں کے شوقین افراد کے دل جیتے ہیں۔وہ ایک طویل عرصے سے پاکستانی شوبز انڈسٹری کا حصہ ہیں۔ وہ ایک پروڈیوسر کی حیثیت سے بھی کام کرتی ہیں اور اپنا پروڈکشن ہاؤس بھی انہوں نے شروع کیا۔
اداکار لیلیٰ زبیری حال ہی میں ایک پروگرام میں نظر آئیں جس میں ان سے چند دلچسپ سوالات کیے گئے۔
پروگرام میزبان کی جانب سے سوال کیا گیا کہ آپ تھیٹر میں کام کر رہی تھیں تب آپ کی شادی ہوئی یا پھر ڈراموں میں آنے کے بعد ہوئی؟
اداکارہ لیلیٰ زبیری نے بتایا کہ میں نے بچپن میں بھی تھوڑا کام کیا اور ساتھ ہی ریڈیو میں کام کیا۔ انہوں نے بتایا کہ میری شادی بچپن میں ہی ہوگئی تھی جب میں نے سیکنڈ ائیر ( بارہویں جماعت) پڑھ لی تھی۔
ایک سوال کے جواب میں اداکارہ کا کہنا تھاکہ مجھے نئے کردار نبھانا اچھا لگتا ہے کیونکہ آپ کو ایک مارجن مل جاتا ہے۔
اداکارہ کا کہنا تھا کہ جب میرے ڈرامے کے بعد جب لوگ مجھ سے آکر ملتے تھے کہ میں نے بہت اچھا کردار نبھایا اور میرے کام کو بھرپور سراہتے تھے۔