ملک کی معروف خاتون اینکر غریدہ فاروقی کو مفتی منیب الرحمان اور مولانا بشیر احمد فاروقی نے کیا کہہ دیا جس پر وہ شدید غصے میں آ گئیں اور ٹویٹر پر ساری بات کہہ ڈالی۔
تو وہ بات یہ ہے کہ کالعدم تحریک طالبان اور حکومت کے درمیان مصالحتی کردار ادا کرنے والے ان دونوں علماء کو اپنے پروگرام میں مدعو کرنا چاہا تا کہ وہ ان کے سوالات کے جوابات دے سکیں لیکن مفتی منیب الرحمان اور مولانا بشیر احمد فاروقی نے کہا کہ ہم خواتین سے بات نہیں کرتے اور نہ ہی انٹرویو دیتے ہیں۔
کمیٹی کےاراکین مفتی منیب الرحمان،مولانا بشیر احمد فاروقی، مفتی عابد مبارک اور دیگرعلماء کراچی ائیر پورٹ پہنچے تو انکا پرتپاک استقبال کیا گیا۔ کامیاب مذاکرات کے بعد کراچی پہنچنے پر کارکنان نے ان پر پھولوں کی پتیاں نچھاور کیں، ہار پہنائے اور لبیک یارسول اللہ کے نعرے لگائے۔
اس موقع پر مفتی منیب الرحمان نے کہا کہ غیر حکیمانہ انداز میں طاقت کا استعمال فرعونیت ہے اور لبرل کو شکست اور علماء کرام کی جیت ہوئی۔جبکہ ہماری کوشش ریاست، دین اسلام اور انسانی جانوں کا بچاؤ تھا۔
یہ ایک مصدقہ خبر ہے اور اس خبر سے متلعق تمام معلومات خاتون اینکر غریدہ فاروقی کے ٹویٹر اکاؤنٹ سے اور صحافی جاوید چوہدری کی نیوز ویب سائیٹ سے حاصل کی گئیں ہیں۔