برطانیہ میں مسلم طلبا کی سخت سردی میں نماز جمعہ پڑھنے کی ویڈیو پر سوشل میڈیا صارفین غم و غصے کا اظہار کر رہے ہیں۔
بین الاقوامی خبر رساں ادارے کے مطابق برطانیہ کے شہر مانچسٹر کے اولڈیم اکیڈمی کی ویڈیو وائرل ہوئی جس میں دیکھا گیا کہ مسلم طلباء اسکول کے باہر کھلے آسمان تلے مسلم طلبا نماز پڑھ رہے ہیں جس پر سوشل میڈیا صارفین نے اسکول انتظامیہ کو شدید تنقید کا نشانہ بنایا ہے۔
ایک طالب علم نے اس حوالے سے بتایا کہ اسکول کا ایک کمرہ نماز کے لیے پہلے سے ہی مختص ہے اور ہم وہاں کئی عرصے سے عبادت کر رہے ہیں لیکن اس مرتبہ ایک استاد نے ہمیں نہ صرف نماز سے روکا بلکہ نماز کے لیے کمرہ استعمال کرنے پر غصے کا اظہار بھی کیا۔
اسکول انتظامیہ کی جانب سے طلبا کی شکایت اور مذکورہ ویڈیو وائرل ہونے پر واقعے کی تحقیقات شروع کر دی گئی ہیں اور اس حوالے سے اعلان کرتے ہوئے کہا کہ ہم اس پر مخلصانہ معافی چاہتے ہیں۔ان کا کہنا تھا کہ ہم کبھی کسی طلباء کو نماز کی ادائیگی سے نہیں روکتے ہیں۔