بھارتی ریاست بہار میں ہندوتوا غنڈوں نے ایک مسلمان کو کھمبے سے باندھ کر بہیمانہ تشدد کا نشانہ بنایا۔
کشمیر میڈیا سروس کے مطابق غنڈوں نے ضلع سیوان کے رہائشی احمد آزاد کو ضلع گوپال گنج میں روکا، شناخت ظاہر ہونے پر بجلی کے کھمبے سے باندھا اور وحشیانہ مار پیٹ کا نشانہ بنایا۔
انہوں نے اس بہیمانہ عمل کی وڈیو بھی بنائی اور سوشل میڈیا پر وائرل کی۔ واقعے کے بعد علاقے کے مسلمانوں میں سخت خوف وہراس پھیل گیا ۔ انہوں نے متاثرہ شخص کو انصاف کی فراہمی کا مطالبہ کیا۔