کسی بھی معاشرے کی ترقی کا اندازہ اسکے انصاف کے نظام سے لگایا جاسکتا ہے۔ افغانستان میں طالبان کی حکومت آنے کے بعد اس بات کی توقع رکھی جارہی تھی کہ جرائم میں کمی اور انصاف کی فراہمی کے نظام کو بہتر بنایا جائے گا۔
سوشل میڈیا پر ایک پوسٹ شیئر کی جارہی ہے، جس میں بتایا گیا ہے کہ افغانستان کے شہر مزار شریف میں معصوم بچی کو اغوا کرنے والوں کو چند گھنٹوں میں گرفتار کرلیا گیا۔
معصوم بچی کو اغوا کرنے والے گروہ کو ہاتھ باندھ کر بچی کے سامنے پیش کیا گیا ہے، تاکہ بچی کو انصاف ملتا ہوا نظر آئے۔ تاہم ملزمان کو قاضی کے سامنے پیش کرنے کے بعد ان کی سزاؤں کا تعین کیا جائے گا۔
اس کے علاوہ پوسٹ کے ساتھ تصاویر بھی شیئر کی گئیں ہے۔ جس میں دیکھا جاسکتا ہے معصوم بچی کے سامنے ملزمان کے ہاتھ پیچھے باندھے ہوئے ہیں۔