جنید صفدر کے ولیمے کا جوڑا پاکستان کا کون سا مشہور اور مہنگا ڈیزائنر بنائے گا؟ جانیئے جوڑے سے متعلق دلچسپ باتیں

مریم نواز کے بیٹے جنید صفدر کا نکاح لندن میں ہوچکا لیکن 17 دسمبر کو ولیمے کی تقریب لاہور میں رکھی گئی ہے جس کی تیاریاں زور و شور سے کی جا رہی ہیں۔ کہیں قوالی کا پروگرام رکھا گیا تو کہیں گھر والے خوشی سے گنگنائے۔ شادی کی دھوم پورے پاکستان میں ہو رہی ہے۔ آج دوپہر سے پاکستان کے مشہور اور مہنگے ترین ڈیزائنر حسن شہریار کی مریم نواز اور جنید صفدر کے ساتھ تصاویر وائرل ہو رہی ہیں۔ حسن کہتے ہیں کہ جنید ایک خوش اخلاق اور نفیس انسان ہیں۔ ان کے ولیمے کا جوڑا بھی حسن تیار کر رہے ہیں۔ وہ یہ بھی بتاتے ہیں کہ اس جوڑے کو بنانے کے لئے پاکستانی کپڑا ہی منتخب کیا گیا ہے۔ یوں معلوم ہوتا ہے جیسے ڈیزائنر وہاں جاتی امراء میں جنید کے جوڑے کا ناپ چیک کرنے گئے تھے۔ جنید کی شادی پاکستانی شاہی شادیوں میں سے ایک ہے ۔ تاہم ابھی تک جوڑے کی قیمت اور اس پر کی جانے والے کڑھائی اور ڈیزائن سے متعلق حسن نے مزید تفصیلات نہیں بتائی ہیں۔