پاکستانیوں کی اکثریت سعودی عرب میں مقیم ہے۔ اکوئی فیملی کے ہمراہ وہاں رہ رہا ہے تو کوئی اکیلے معاش کی خاطر وہاں رہتا ہے۔ سعودی عرب میں جمعے کے دن چھٹی دی جاتی ہے۔ جس کی وجہ سے ہر پاکستانی کوشش کرتا ہے کہ وہ کسی طرح جمعے کی ادائیگی کے ساتھ ساتھ عمرہ بھی کرلے۔ اب سعودی حکام کی جانب سے عمرے پر تو کوئی پابندی نہیں لگائی گئی اس لئے مسلمان خاص طور سے پاکستانی بڑی تعداد میں عمرہ کرنے کے لئے جاتے ہیں۔
اس کے علاوہ اس دن سعودی عرب میں سب سے زیادہ شاپنگ کی جاتی ہے۔ آفسوں کی چھٹی ہوتی ہے، سب فیملیاں باہر سیر تفریح کے لئے جاتی ہیں۔ پاکستانی بھی اس دن خوب شاپنگ کرتے ہیں اور اپنے گھر والوں سے بھی فون پر بات کرتے ہیں۔
عرب کے صحراؤں میں اس دن بڑی بڑی کار ریس ہوتی ہیں جن میں عرب شہزادوں کے علاوہ مقامی لوگ اور اقلیت یعنی ( پاکستانی اور ہندوستانی) لوگ بھی شرکت کرتے ہیں۔ جیتنے والے کو انعام بھی دیا جاتا ہے۔
تفریح کے لئے بنائے گئے پارکوں میں جمعے کو خصوصی ڈسکاؤنٹ ہوتا ہے۔ جس کی وجہ سے بچے ہوں یا بڑے یہاں کے اڈوانچر جھولوں میں خوب مزے لیتے ہیں۔